如果人生有四季的話，那2013年仍然是萬綺雯和陳煒的春天。兩位昔日亞視一姐，見證舊公司興衰，去年轉投無綫即獲器重，分別在劇集《老表，你好嘢！》和《法網狙擊》中擔綱演出。令人振奮的，是人到中年、已為人妻的她們依然索爆，論樣貌、論演技都輕易將一眾無綫姐仔掃低。其實女人到四十歲，一樣要做有把握的事。

撰文：王崇穎

■近年甚少拍劇的萬綺雯，轉投無綫即與郭晉安演話題劇《老表，你好嘢！》，大過戲癮。攝影：林德雄

現年42歲的萬綺雯（蚊蚊）近年甚少拍劇，轉投無綫即獲安排與郭晉安合演話題劇《老表，你好嘢！》，能一過戲癮固然開心，但最高興莫過於男觀眾，全因她的42吋長腿重現螢幕。蚊蚊在劇中飾演社工，經常懷疑安仔飾演的導遊欺壓新移民，最後當然按照無綫劇集方程式，由歡喜冤家至擦出愛火，當中亦有咀戲，蚊蚊說：「我哋結婚嗰場一定有錫?啦，亦都試過有一次錯咀咗。」問到蚊蚊久未拍劇可覺辛苦，她自言十分捱得：「拍劇係咁?啦，大家都一樣咁捱，我都OK。監製好好，每一刻都係笑?！」她直言十分榮幸與安仔及王祖藍合作喜劇：「如果要做喜劇嗰部份，真係要睇安仔同祖藍，拍嗰時身邊有佢哋，成個戲都順住落去，但係我都要忍到笑先得。」

雖然拍劇高興，但始終要捱夜，蚊蚊越拍越瘦，令劇組非常擔心，她說：「試過一次喺田度跑，跑跑吓點知跑到嘔，中咗暑咁，所以佢哋成日都好驚我暈低，甚至有時唔敢太大力捉我，怕扭傷我，其實我唔係咁弱不禁風。」蚊蚊坦言拍劇時期的確因壓力及體力透支而消瘦，始終新環境需要適應期。蚊蚊拍劇經常擺烏龍，令人笑爆肚，但她矢口否認屬烏龍一族：「我只可以咁講，我通常對住我認為信任嘅人都會好烏龍，如果環境需要，我就會打醒十二分精神。」

拒三點式鬥煒哥

同樣由亞視過檔的陳煒一拍劇即以三點式示人，江美儀則靠黑絲彈出，問蚊蚊可有更大突破？她說：「好多嘢都係要睇番個劇情有冇咁嘅需要，泳衣就最好唔好啦，自己知自己事，唔想為難大家對眼睛，總之有乜都可以傾吓，遷就吓，實搵到方法處理?。」蚊蚊與無綫以部頭形式合作剛拍罷兩套劇，她稱暫時會休息，問到是否與結婚多年的老公陳十三造人時，她表示順其自然。
至於多年來向喜劇路線發展的安仔，繼去年劇集《東西宮略》飾演鬼馬皇帝後，今次再在《老表》中帶給觀眾歡樂。提到與蚊蚊首次合作，一拍即合，安仔表示大家同為天秤座，有些性格較為相似，並會互相提點，很快便熟絡，但拍罷該劇後因各有各忙甚少聯絡。兩人合作期間當然亦有不少趣事，安仔說：「我哋試過兩日冇瞓，之後接住去迪士尼拍攝，我哋兩個已經攰到唔使我哋埋位時，就攤喺張長凳度瞓，點知一路瞓一路俾遊客用閃光燈影，最後要勞煩迪士尼工作人員築起圍牆遮住我哋。」

■在“老表”中與安仔合演歡喜冤家，蚊蚊還與他有咀戲。電視圖片

■蚊蚊於“老表”劇中頻以短裙示人，毫不吝嗇42吋長腿。電視圖片

■挨夜拍劇接連出外景，安仔與蚊蚊體力透支。“老表，你好嘢！”劇照

安仔促兩地融和

安仔自言有搞笑潛質，但今次演繹方式有些不同：「劇中有祖藍，佢向來走比較浮誇少少嘅路線，所以我就唔可以同佢一樣，我會走比較生活化，平實得嚟搞笑嗰隻。因我係代表香港市民呢邊點去睇內地人。」安仔希望藉該劇帶給觀眾歡樂，但又怕未達效果，他指劇中有不少中港矛盾的議題，如搶奶粉等。搞笑歸搞笑，安仔表示今次最難是需講港式普通話：「我要講一啲廣東話嘅國語，睇落好似好易，但演起上嚟都好難，第一集不停講成15分鐘呢類對白，日日就做好似考試咁，希望觀眾會睇得開心啦。」

安仔可擔心劇集醜化內地人而被罵？他說：「都唔係?，只係講兩地嘅唔同文化。國內十二億人口，大家只係睇到一、兩個又唔代表全部，同樣香港七百幾萬人都唔代表個個都係精英，其實成套劇嘅焦點，係希望帶出兩地可以和睦共處，呢樣先係最重要。」對於兩地文化不同，安仔表示盡量會以身作則教育下一代：「由細學到大乜都會排隊，呢啲係香港人文化，都試過同囝囝去迪士尼玩，見到內地人唔排隊我都會出聲，雖然我係公眾人物比較尷尬，但要做個榜樣畀下一代睇，相信作為父母都會明。」

郭晉安服裝提供：包浩斯
萬綺雯服裝提供：桂冠
髮型：Domanic TAO O4
化妝：赫爾曼NG

陳煒姦開有條路

去年與無綫簽藝員合約的陳煒劇接劇，向來予人較柔情的煒哥，在早前播完的劇集《法網狙擊》中首次演奸角，煒哥坦言角色霸氣十足：「會有少少類似電影《本能》嘅莎朗史東咁，性感形象，但言談間好淡定！」她坦言角色與本性剛好相反：「我本身易話為，人哋要求我點，都會盡量配合，可以講話同衰人兩個字完全兩個極端，我事前做咗好多功夫，都要等觀眾去評價，始終好與壞都接受同埋會盡量改善。」

■首演姦角的陳煒坦言，角色與本性剛好相反。
攝影：陳順禎

出名身材好的煒哥在劇中着三點式大騷性感本錢，與郭政鴻在遊艇上親熱兼有場浴室大戰鏡頭。煒哥坦言劇情需要不介意性感：「其實我向來都唔覺得自己性感，為咗工作我絕對配合。」已婚的煒哥與老公分隔兩地工作，但一有時間均會見面，問到性感拍劇可有向老公備案？她說：「佢好尊重我嘅工作，好了解我係一個有分寸嘅人，完全唔會擔心我，有次我同老公食飯撞到戲中同我親熱嘅郭政鴻，我仲同老公講笑話佢係我男友，兩個之後都飲咗杯酒，有傾有講完全冇問題。」

■以三點式大騷身材的陳煒，與郭政鴻遊艇上親熱，成功吸引觀眾注意。