新城DJ林盛斌（Bob）沒有男神的外在條件，但勝在夠灰諧兼鬼馬，他在無綫劇《老表，你好嘢！》中大放笑彈，即成師奶殺手，Bob因為程少山這個奸角，接騷接唔停，荷包進賬六位數字。

撰文：比華利

現年33歲的林盛斌以新丁身份首次接拍無綫劇《老表，你好嘢！》，他扮演的程少山竟勾義嫂撬拍檔郭晉安的牆腳，但因Bob的假髮造型搞笑，加上舉止論盡夠突出，即使角色偏奸都甚討好，近日Bob出街不但沒被師奶或OL辱罵，反成為她們的甜心，原來眾女熱捧「少山」對湯盈盈的「導遊貞」癡心情長劍。

■鮑勃憑“老表”人氣急升，接騷接到手軟，當然開心到跳起。
攝影：陳俊強

帶挈進賬逾十萬

Bob昨在黃埔一個公園接受本報訪問，有機會參與《老表》，Bob表示要感激伯樂王祖藍和監製黃偉聲：「祖藍不停執我哋幾個新丁嘅角色，佢花咗好多時間同心機，令每個角色都好出。」當然Bob也多謝對手湯盈盈帶他入戲：「我同盈盈有床戲，當時傳佢有咗，但佢又冇同我哋認過，大家就照拍，有場戲仲交代佢要跌倒坐喺地，盈盈唔錫身照拍，好專業。仲有場戲講我哋喺尖沙嘴街頭嗌交，佢一拍啲眼淚就喺眼眶滾滾吓，講對白就滴咗落嚟，我反而谷極都冇，導演見我鏡頭前眼紅紅都已收貨。」

■鮑勃昨日現身黃埔時，撞正師奶接小朋友放學，他主動跟上載者粉絲握手。

Bob的4歲長女林霏兒要早睡返學，但都偷雞用iPad追看myTV，他說：「我有次見佢拎住iPad識?嚟睇，仲話同學仔同佢講爸爸扮女人好搞笑。」Bob自知演技未到爐火純清的地步，故不敢挑戰層次太深的角色，他說：「好似《大太監》同《名媛望族》呢啲戲未啱我演，我暫時演吓喜劇先，希望將來有進步先再嘗試。」Bob期待監製多點起用他，令他長拍長有。Bob的體形較出道時明顯消瘦了，他說：「我冇刻意減，曾志偉有次見到我，佢叫我千祈咪瘦，否則唔搵我做嘢，佢仲話我生不逢時，早生廿年，大把戲拍。」

Bob近年的事業發展順利，正是想嗰樣得嗰樣，他亦心滿意足：「尤其係近排《老表》收視好，好多客戶搵我做嘢，呢幾個月接嘅騷錢夾埋都有六位數字。」Bob一家四口等過肥年，身為廿四孝老公的他自爆財政全權交給老婆：「真心多謝老婆將頭家打理得井井有條，我可以放心工作。」

博出位：凸腩扮女人

【賣肉露底】電視圖片

林盛斌在《老表，你好嘢！》中不乏出位場面，他扮女人跟王祖藍開房更親吻他的頸，其後Bob與湯盈盈酒後上床，酒醒的Bob着孖煙囪凸肥腩，為藝術犧牲，Bob知無法奪得盈盈芳心時傷心落淚，無綫配以林峯主唱的《愛不疚》，將Bob的頹廢畫面配合得天衣無縫。Bob的好戲陸續有來，稍後會越做越奸，不但要安仔戴綠帽，更將其旅行社資金全部取走，又向破產官舉報安仔，然後另起爐灶搶生意，最終Bob因賣假藥兼策劃綁架祖藍而踎監收場。

【長發谷胸】

鮑勃偕妻湊女掃街

林盛斌前日放工後發揮廿四孝老竇本色，接大女林霏兒放學之餘，一家四口掃街食燒賣及魚蛋，非常溫馨。

Bob前日下午3時半在紅磡完成電台工作後，開車回家會合歲半的細女熹兒跟太太，行到窩打老道接4歲的大女霏兒放學。Bob跟細女及太太在校門外玩自拍，當時正值放學時間，不少學生上前要求合照，高峯期居然排出一條人龍。接了大女後一家四口走過對面馬路「掃街」食零食，幫襯一間以賣咖喱魚蛋出名的小店，還買了燒賣來吃。

採訪，攝影：陳俊強