黃貫中被捕 @ 娛樂八掛大放送★

黃貫中被捕

阿Paul噚日被捕，依家獲保釋，唔方便回應，唯有潛水。
48歲嘅阿Paul黃貫中涉嫌去年於立法會選舉時，喺投票站內拍照違反香港法例第541D章《選舉管理委員會（選舉程序）（立法會）規例》第四十五條，可被判罰款五千元及監禁六個月。事隔近四個月，噚日喺大埔區被警方拘捕，由重案組跟進。阿Paul經調查後已獲准保釋，二月底返警署報到。

獲釋後阿Paul同佢經理人一齊潛水，未有回應，雖然阿Paul今日下晝有發微博，但隻字不提被捕消息，只係講返自己張專輯打入唱片榜第八位，仲話：「值得振奮，替自己加油！」。其實之前阿Paul已經因為喺湖南衛視搞嘅歌唱比賽《我是歌手》被淘汰出局，依家又發生呢單嘢，唔少fans都好擔心佢。身處消音之國嘅fans更加係憂心忡忡，唔知點好，紛紛留言問候，而阿Paul亦有回應fans嘅問候，但好多都係單字。例如﹕

Fans1﹕熬了兩晚等你回復，給我力量
黃貫中：力量！

Fans2:貫中，你在啊，怎麼都不回覆我呢。
黃貫中：回你，暈！

Fans3:91年演唱會在哪！？！
黃貫中：？

Fans4：我覺得是某些人，或媒體看阿Paul最近在內地特別火才挖出來的。
黃貫中：？

Fans5：Paul哥中午好！沒甚麼問題吧？有木有Rock到咯班差佬(原文照錄)？大B哥威武！
黃貫中：哈哈...

Fans6：Paul，你還好嗎，好嗎？
黃貫中：好！

平安報告完畢。

忽然想起阿Paul去年中寫咗呢個微博﹕「知道為何我一直倒楣，做任何事情都要比常人付出更多的努力嗎？因為我的『運氣』全部都用在她的身上了。」她，是朱茵，黃鶯之母。