潮𡃁便當

2.14主題樂園嘗冧餐

2013年01月30日 ~~ 第297期 Face

2月可忙了，忙完同各方親戚拜年，又要同另一半慶祝情人節，好就好在今個情人節冇同初一撞正，分身不暇之苦暫解，不過仲未諗好節目？
兩大主題樂園今個情人節同樣推出情人節套餐，不妨一 take過玩完再食！唔怕另一半「詐型」！

冧女迪士尼

今個情人節，華特餐廳推出情人節套餐，食材均從世界各地精心挑選，如主菜鵪鶉來自法國、油甘魚來自日本，更甚者連小小蘑菇，也是法國貨。另一道主菜威靈頓牛柳先以自搓酥皮包裹野菌及 parma ham，然後再焗，食落外脆內軟，野菌爽口，火腿鹹香，口味豐富。為配合情人節，菜式亦用上心形作主題，如甜品紅莓慕絲造成一個粉紅心形，配以橘黃色熱情果汁玩撞色，味道啱啱好，不會太甜，女生至愛。而享用本晚餐，更可獲可愛熊啤啤 1隻， size啱啱好，可以一抱入懷，好好攬！

油甘魚配三文魚子醬
龍蝦濃湯
比目魚配藍青口伴紅花燴大蒜
威靈頓牛柳時菜及新薯
或
香煎馬德拉酒配鵪鶉伴蘑菇、雜菜及新薯
鮮莓甜心軟朱古力慕絲

龍蝦濃湯
龍蝦湯加入白蘭地去煮，酒香濃郁，同時配上一啖可放入口的多士，多士夾層為酸忌廉，分量不會太多，夠開胃！

配合情人節主題，以紅莓造成心形，內含 70%朱古力及脆珠粒，入口香脆，並以熱情果及芒果混成的甜汁佐底，好 sweet！

藍青口內加入番茄，酸酸甜甜，配合肥美的比目魚肉更能提升鮮香。最用心乃心形泡芙，為含蓄的愛侶再表達多一次心意。

送 Duffy熊啤啤
凡享用華特餐廳情人節套餐，都可獲贈送限定版 Duffy毛公仔 1隻！

華特餐廳 Walt's Cafe

地址：大嶼山香港迪士尼樂園酒店 3樓（ 3510 6000）
時間：第一輪： 5:30pm-7:30pm；第二輪： 8pm-10:30pm。
價錢：$1,199/2位（另加一服務費）
特別優惠：於情人節前 2星期預約可享 8折。

又食又住又有情侶 spa

除了華特餐廳，酒店亦推出一個入住國賓套房 1晚的 package，平時入住套房價錢為$6,500-$7,000不等，今次索價$12,888，當中包括私人大廚親身在房間開爐，烹調食物，以及一個全新的雙人水療服務，選用天然護膚品牌 SUNDARI，為入住者提供各 60分鐘的磨砂護理及全身按摩。

住宿 package

．國賓套房 1晚
．由私人主廚烹調晚餐
36個月西班牙火腿伴蜜瓜
火焰龍蝦湯
比目魚配藍青口伴紅花燴大蒜
戴安娜牛柳
或
燒鵪鶉釀雜菌
紅莓朱古力慕絲配熱情果醬
． 2人水療體驗
—磨砂護理 60分鐘
—全身按摩 60分鐘
供應期： 2013年 2月 14日-2月 25日
$12,888

36個月西班牙火腿伴蜜瓜
由師傅即切西班牙火腿，火腿鹹香，配清甜蜜瓜正好開胃。

燒鵪鶉釀雜菌
此套餐菜式，除了西班牙火腿及火焰龍蝦湯外，基本上與華特餐廳情人節套餐相近，但鵪鶉則釀入野菌、牛肝菌等，層次更豐富。

師傅即場「玩火」，將龍蝦湯煮熱後奉上，晚餐是味覺享受，也是視覺享受。

海洋公園　企鵝仔傳達愛意

去海洋公園玩，例牌都會去海洋劇場睇海豚，上年仲有小企鵝出世同新館冰極天地開幕，吸引愛心爆棚的大細路入場！今個情人節，海龍王餐廳就加入不少動物造型，如將炸煙肉芝士整成海豚樣、曲奇餅製成可愛小企鵝等，還特地造到成雙成對，配以心形造型菜式，還可以在小企鵝旁邊的朱古力牌上寫上特別字句表達心意，唔使下下口講咁肉麻。主菜鱸魚柳肉身肥美，怕唔夠飽，就可選美國牛柳做主菜，每份 220g重，入口滿帶松露香，肉身尚算腍軟。

朱古力慕絲伴紅莓醬配竹炭曲奇
紅莓醬甜甜酸酸，伴朱古力同吃不會太甜，兩隻企鵝則由竹炭所造，咁可愛，真係睇見都唔捨得食！客人還可以在朱古力牌寫上特別字句，藉着企鵝說愛你！

鱸魚柳入口啖啖肉，肉身尚算嫩滑，最有趣是伴菜都雕成海豚及企鵝模樣，顏色鮮豔好吸引。

法式香檳雞尾酒
刁草三文魚多士配風乾火腿及露筍
炸煙肉芝士配芒果、牛油果及田園沙律
椰菜花忌廉湯配雞肉丸
芒果薄荷雪芭
雜菜鱸魚柳卷配香檳汁伴青豆蓉、甜心薯及時菜
或
美國牛柳配黑松露汁伴青豆蓉、甜心薯及時菜
朱古力慕絲伴紅莓醬配竹炭曲奇
咖啡或茶

選用美國 A級牛柳，每份重 220g，上配黑松露汁，松露芳香撲鼻，唔覺又食多嚿。薯餅則整成心形，以為好熱氣，但食落不太油膩，表層鬆脆，薯蓉腍軟，食到尾都有驚喜！

刁草三文魚多士配風乾火腿及露筍
風乾火腿最怕太鹹，配合露筍清新爽口，口味更加平衡，作為頭盤分量啱啱好！

炸煙肉芝士配芒果、牛油果及田園沙律
兩隻小海豚由煙肉及 Parmesan芝士炸成，入口香脆，佐以芒果、菠蘿及牛油果，唔怕食到口乾。

海龍王餐廳

地址：香港仔海洋公園夢幻水都
電話： 3923 2268
價錢：$1,338/2位，包 5R相片 1張（已加一服務費）。
$1,668/2位，包 5R相片 1張、 2張入場門票（已加一服務費）。
特別優惠：於 2月 1日前確認訂位可以優惠價 HK$1,440享用情人節晚餐（已加一服務費），另送 5R相片 1張及 2張入場門票。