馬國明老嫩通殺

繼陳豪後，冇乜不良嗜好嘅馬國明亦被封為筍盤，早前仲升呢為「高登男神」，仲未有拖拍嘅佢自然成為咗唔少少女嘅頭號目標，不過呢位男神形象咁乖仔，原來除咗深得少女歡迎外，仲係一位師奶殺手。

日前，東姑路過荃灣巧遇男神喺度做緊宣傳活動，於是就行去睇吓，嗰日馬國明喺台上就畀啲主持同小朋友捉住合照，落到台下就畀班粉絲跟到實，佢嘅粉絲有老、有嫩，去到停車場有班師奶仲捉住佢唔肯放，影完合照又要傾偈，但係馬國明好識做同班師奶打成一片攬晒腰、搭膊頭，friend過打band，咁鬼親民，抵你成為新一代男神啦！

喺台上馬國明都好受歡迎，宅男女神沈卓盈都蹺住佢手影合照。

馬國明去到停車場，有成班粉絲圍住，認真墟冚。

有師奶捉住馬國明攬腰影合照，之後仲要死唔肯走，傾番陣偈，望多兩眼先肯放手。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄