早前洪欣被張貼大字報追債，佢聲稱係父親與友人做賭場生意發生金錢糾紛，不過有人將錢債轉嫁到佢身上。聽聞條數都成四百幾萬，仲惹嚟港澳嘅追數令，搞到佢一家之前要避走內地。

點知日前東姑行經銅鑼灣，竟然見到佢和老公張丹峰行街豪掃貨，只見佢先去咗間名牌手袋專賣店攞手袋，繼而又去I.T.買鞋，佢哋都買得好瘋狂。雖然掃了三大袋戰利品，但佢面口都乸住晒，笑容更欠奉。事後，佢話發生呢啲事，心情係有受影響，仲有同爸爸嗌交添喎。

日前，洪欣在銅鑼灣shopping，佢就頭耷耷，老公張丹峰就笑騎騎。

喪買完後，洪欣和老公（左一）都孭住多袋戰利品。

佢跟女友人入咗間手袋店，對住啲名牌手袋指手劃腳。

早前洪欣追債大字報，貼滿港九鬧巿。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄