黃嘉欣 供應鏈管理 Yr.1
除了自拍放上 Instagram， 162cm的 Karen還熱愛烹飪，她在學校搞烹飪學會，定期入廚整甜品及小食跟同學分享。而剛考獲演奏級的她，除了教學生音樂，亦會教對方做人道理。
U花 U草
恒管 Instagram女神 詩相狂
除了 facebook，愈來愈多人將生活照上載 Instagram分享，愈多人 follow愈開心。
現讀恒生管理學院的黃嘉欣（ Karen），其 Instagram便吸引近 2萬個男女 followers，隨便一張自拍相都引來近 3千個 like，拍得住唔少女明星！素人都有粉絲撐，只因 Karen除了影相有心機，每張相標題更詩意又文藝，例如「有的人對你好，是因為你對他好，有的人對你好，因為他懂得你好！」十足金句王黎明，原來愈玄愈多 like！
現在大專生做 model好普通，影私影幾個鐘就賺近千元，但 20歲的 Karen卻對做 model耍手擰頭，只因她有演奏級鋼琴絕技，教琴已足夠賺生活費有凸。「教琴咪仲好，我唔係 model，冇俾人影過私影。我對住啲陌生人會硬晒，好唔自然又尷尬，我自細學琴，𠵱家考獲演奏級，教小朋友鋼琴都夠我生活費啦！」不喜歡做 model，但 Karen卻喜歡自拍再上載 Instagram。「其實我只會分享我嘅生活細節，啱 feel先拍，太刻意我都唔 like！」
簡簡單單去沙灘玩沙就有近 3千人 like，不過女神句 caption好玄，記者都睇到一頭霧水。
女神的 Instagram不乏同男友的合照，大晒恩愛。關於感情生活， Karen就唔想多提，留番少少神秘感！
靚相任睇
眉清目秀的 Karen又靚又上鏡，絕對是做 model的料子，可惜她嫌自己動作生硬，放棄入行，「都係教琴好啲！」
Karen的 Instagram離不開生活上的點滴，去沙灘、歎 high-tea，連買隻新表都會同粉絲分享，做佢粉絲確實幸福。雖然女神的相片勁好 feel，但標題與相片沒有太大關係，要運用吓想像力先得！更重要係 Karen的 Instagram是公開用戶，不設限制，靚相任睇，女神真大方！
「估唔到咁多人 like」
雖然 Karen自稱影相隨心，但她每張相片的標題卻刻意經營，充滿詩情畫意少女味。
Karen解說：「 Instagram影相提供好多 effect，目的就是想玩唔同 feel，所以我除咗影相講 feel，起題都一樣要有感覺，唔係全部標題都係我創作，有部分係平日睇到一啲好有意思的句子，我就會記低日後用。我都估唔到有咁多人 like我嘅自拍相同標題！當然有少少開心，不過我唔會因為佢哋而狂貼相，只會繼續隨心！」
靚女 Karen影相有 feel之餘仲金句連連，難怪粉絲人數拍得住明星仔!
除了教琴， Karen還喜歡周圍搵食，大歎 high-tea！
留言列表
{{ article.title }}
