為訓練乖仔 Jeremy Allen大膽啲，飾演老豆嘅 Liev Schreiber就將個仔綑綁上燈柱示眾，仲影埋相，等個仔習慣被侮辱，以後 EQ都高啲。
西面
賀年重口味
將多個故事組合成一套電影已成近年的大趨勢，愛情片代表有多年前的《真的戀愛了》，科幻片代表有近期的《雲圖》，喜劇代表一定係將於 2月農曆新年檔期上畫的《喪星玩轉荷里活》。
由 11個故事組成的《喪星玩轉荷里活》，主 sell星光熠熠，除有影后琦溫絲莉以及出爐金球影帝 Hugh Jackman等大班巨星撐場，最難得係班阿哥阿姐勁玩得，玩屎尿屁甚至性器官都擺上枱，以超重口味橋炮製低俗喜劇，包保笑到癲！
將於 2月 21日農曆新年第 2檔期上畫的《喪星玩轉荷里活》，睇戲名就知玩到癲。套戲開頭講有一套美國 CIA、 FBI等特工組織，出動所有精英徹查都查唔到來源，勘稱史上最癲喪的禁片《 Movie 43》，竟然被 3名騎呢高中生上網搵到，之後成套戲就穿插《 Movie 43》裏面 11套超重口味的短片。
拍足 8年
李察唔怕 cheap
《喪》片最大賣點當然係班巨星如琦溫絲莉、 Hugh Jackman，甚至型佬李察基爾都唔嫌套戲 cheap，仲肯一齊癲。
據知 Peter Farelly第一個游說係型佬李察基爾，起初 Peter以為李察個樣鬼咁嚴肅一定唔肯拍，點知一講個故事構思，李察即話過癮，還應承演出，之後其他巨星如琦溫絲莉、甚至荷爾芭莉等聽見李察基爾都肯拍，於是加入演出，癲埋一份。
禁室培育
而飾演阿媽嘅 Naomi Watts軟硬兼施，平時教仔鬼咁惡死，不過有時就會扮做乖仔嘅女朋友，教個仔點同女仔溝通，超反面教材。
講一名內向處男，冇膽兼懦弱，父母為訓練乖仔做人處世，迫佢留在家中上瘋狂高中課程；係搵笨版《禁室培育》？定係重口味《愛的教育》？
演員： Naomi Watts、 Liev Schreiber
一「袋」宗師
一名鑽石王老五，雖然高大又靚仔，但一直溝唔到女，原來性器官生錯位，人人嫌棄佢係「一袋宗師」嘅身份。
演員： Hugh Jackman、琦溫絲莉
Hugh Jackman其實係陰囊生錯喺頸部嘅奇男，所以經常要用手掩住條頸遮醜。但一次約會中，卻被初次邂逅嘅琦溫絲莉見到，琦溫唔只嚇到彈開，更示意想嘔。
藉着「便便」說愛你
送花、送車、送豪宅示愛就聽得多，送「便便」示愛有冇見識過？一對癡男怨女，示範一場「屎」詩式戀愛。
演員： Anna Faris
Anna Faris第一次約會就坦白同對方講自己鍾意玩「便便」，點知對方唔抗拒，更志趣相投。
Anna就算整蛋糕都要擠出「便便」形狀做裝飾，真係服咗佢！
蝙蝠俠之夜神搞事
一班癲男喪女，玩晒 cosplay去 speed dating，玩玩吓竟變成班惡死超女追風流債嘅 party。
演員： Justin Long、 Uma Thurman
True Or Dare
講一對男女玩唔同 level嘅 True Or Dare，玩玩吓愈玩愈大，仲玩埋整容。
演員： Halle Berry
第一 Pat血
故事係一個玉女初次來經，唔知點算好，男朋友更手忙腳亂搞到一鑊泡。
演員： Chloe Moretz
收銀員試咪
一個剩女同一個毒男，一次喺超級市場互相挑逗，情慾對話竟被開着嘅咪高峰公開，上演一場啜核試咪騷。
演員： Emma Stone
賤貓 30
學足《賤熊 30》，不過熊變做貓。講變態富貴貓賤格冇家教，暗戀主人詐癲扮傻，演技超班。
演員： Elizabeth Banks、 Josh Duhamel
長勝 J軍
黑人籃球隊同白人決鬥，黑人隊教練以另類方法激勵隊員士氣，強調黑人無論手、腳甚至下體都比白人長，仲拋金句：「一寸長、一寸強」，卒之球隊贏足 25場。
演員： Terrence Howard
陰濕 iPod
蘋果電腦推出新產品叫「 i Babe」，外形係裸女，唔只識播音樂，下體更有碎肉功能，鹹濕仔多手隨時斷指。
演員：李察基爾
哈比人與奪命金
一班蠱惑仔，綁架哈比人，以為可以攞到金幣，點知俾哈比人玩謝，更被粗口噴到一面屁。
演員： Gerard Butler
《喪星玩轉荷里活》
上映日期： 2月 21日 
留言列表
{{ article.title }}
