外形官仔骨骨嘅在中，係 JYJ中最靚仔成員，尤其側面最上鏡，所以經常騷 7分面影相吸女。
韓面
JYJ在中妖妖聲
脫離東方神起，年組成的 3人組合 JYJ，近年隊員排隊單飛搵食，先有最受歡迎隊員有天拍劇攞視帝、之後又到俊秀 solo闖樂壇，踏入 2013年終於輪到最靚仔的在中發圍。
今月中，在中終於推出首張個人唱片《 I》應市，以往唱開 K-pop的在中，今次轉型玩 rock，而出名青靚白淨的他，更化身吸血鬼玩妖艷。難得韓迷勁 buy，唱片出街即登上銷量榜 No. 1，在中真係威番次！
今年 26歲的在中，雖然是 JYJ中最靚仔成員，但近年鋒頭卻被其他隊員有天及俊秀蓋過。尤其有天，去年拍兩套韓劇《屋塔房王世子》及《想你》均 hit爆韓國甚至東南亞，而在中亦曾跟宋承憲拍住演韓劇《仁醫》，但只做配角，人氣跟有天仍有一段距離。
殭屍谷飛
單飛後，在中唔只改歌路，玩 rock，新歌〈 MINE〉 MV中由冧女偶像，變身妖氣十足嘅殭屍，超突破。上週，在中嘅處女韓國演唱會亦開始賣飛， 2場合共 1萬 6千張飛一日內賣清光，終於發威。
打低 CNBLUE
不過，踏入 2013年在中決意轉戰樂壇，本月 17日便以個人姿態推出首張迷你專輯《 I》，為給粉絲驚喜，一向官仔骨骨的在中，轉玩妖艷，於新 plug的主打歌〈 MINE〉 MV中，更化晒妖妝扮吸血男，簡直邪氣迫人，好彩久餓在中唱歌的韓迷勁 like，他的 solo處女碟《 I》推出首週，即打低 CNBLUE新碟《 RE： BLUE》成韓國 Hanteo銷量榜冠軍，終於妖上位。
除拍戲外，上年在中亦拍住韓劇一哥宋承憲合演韓劇《仁醫》飾演武士金景卓。去年尾，在中亦憑《仁醫》一劇，攞走 MBC電視台《 2012演技大賞》嘅「最佳新人獎」，雖然拍劇成績唔及隊友有天，但總算係個好開始。
親阿媽抽水
在中難得翻 hit，可惜自小父母離異，一直由養父養母湊大，最近有傳他的親生阿媽吳世英趁乖仔走紅就現身相認。
今月中，在中媽亮相朝鮮電視台綜藝節目《大贊人生》時，就否認自己見錢開眼：「當年離婚後生活困難，喺朋友勸告下將個仔送畀別人領養。 20幾年後見到個仔做咗明星本應好開心。但之後，同個仔相認嘅喜悅只係短暫，因外間話我等個仔走紅先相認，呢啲輿論令我感到好大壓力，曾經諗過一死了之。」在中唔只成名路難行，原來身世都勁坎坷。
去年在中亦有拍電影《胡狼來了》，戲中在中飾演一名被女殺手綁架嘅偶像巨星，由於佢都係做番自己，所以冇乜演技發揮，套戲亦爆唔起。
在中於 1月 17日出新碟，而在中親生阿媽吳世英就於 1月頭上電視講個仔，夾啱 timing，令唔少人懷疑佢抽水。
JYJ勝訴獲賠 5,700萬
自脫離東方神起， JYJ一直被各大電視台封殺，所以上年 JYJ已絕少以 3人姿態出騷。
脫離東方神起，在中、有天同俊秀組成 JYJ， 2年前加盟日本唱片公司 Avex，原本打算於日本大展拳腳，但當時因與 SM娛樂打長期官司， Avex單方面取消 JYJ各種活動，並掉轉槍頭支持 SM旗下歌手在日本發展，卒之 JYJ將 Avex告上法庭。
此訴訟於上週終於得到解決，日本東京地方裁判所判 JYJ勝訴，還頒令 Avex以後無權干涉 JYJ在日本任何活動，更獲賠償約 5,700萬港元。一天都光晒。 
留言列表
{{ article.title }}
