31歲 Fiona與 40歲鄭中基雖然假結婚，但結婚當晚都來個深情咀嘴。
真面目
事業線上 狂接 4片 薛凱琪 80萬升 Cup
今年賀歲有星爺套《西遊•降魔篇》加入戰團，以一敵二對撼兩大賀歲台柱曾志偉及黃百鳴，唔愁冇港產片陪過年。
曾志偉的《 2013我愛 HK恭囍發財》有葉玉卿出山撐，黃百鳴都唔弱，除吳君如杜汶澤等原有班底，更搵到「爛 gag王」薛凱琪（ Fiona）做主角搞笑。據知今年將主力拍戲的 Fiona，已有 3片在手，加埋呢套以 80萬新高片酬接拍的《百星酒店》，難怪肯賣大包露罅賀歲啦！
喺千島湖洲際酒店拍 咗個幾月， Fiona在煞科當晚開心到癲！
薛凱琪去年與萬梓良杜汶澤的《懸紅》，入圍了烏甸尼斯及英國電影節，雖然 Fiona冇被提名任何女主角獎項，但仍有唔少導演希望搵佢合作。去年 9月簽約 Paco旗下的太陽娛樂做一姐，據知 Paco已預備開 3套戲畀 Fiona，而 Fiona的片酬叫價已由 40萬急升 1倍至 80萬，向影后進發。
為錢假結婚
11年憑《分手說愛你》獲提名香港金像獎「最佳女主角」，薛凱琪拍笑片亦有一手，上年一口氣拍了王晶的《爛賭夫鬥爛賭妻》及曾志偉的《勁抽福祿壽》， 2013頭炮將會是同樣得啖笑的《百星酒店》，飾演有錢女的 Fiona為分家產要假結婚，最後與酒店副經理鄭中基假戲真做。
原本搵鄭中基幫手物色假結婚對象，但 Fiona後來愛上對方，更與飾演女明星 嘅吳千語爭仔。
收 80萬片酬， Fiona點都要騷一騷條升 cup事業線先值回票價！
鄭中基：佢啲 gag太爛
杭州氣溫得幾度， Fiona唔使埋位時除 咗包到上頸，仲要出動暖風機！不過有杜汶澤、鄭中基和毛毛三位搞笑前輩喺旁邊，講笑都講到暖晒啦！
劇組上年冬天拉大隊去杭州千島湖取景，拍攝當日只得幾度低溫，但 Fiona依然超 deep V婚紗上陣，唔使埋位時更要同其他演員圍埋吹暖風機保暖。
首次同鄭中基做情侶，估唔到連呢位搞笑專家都頂 Fiona唔順，鄭中基話：「佢 啲 gag實在太爛，搞到全場都忍唔住笑，下次同佢拍戲，我一定要加片酬先制呀！」
新拍檔嗌救命，但薛凱琪與合作多次的杜汶澤卻好 啱傾，晚晚過房玩通頂。「君如姐有晚叫我同阿澤去佢間房玩，點知我哋傾到佢沖涼都唔願走，搞到佢之後唔敢再叫我哋！不過我哋 6點鐘收工實在太悶，所以搵咗毛姐同個化妝師晚晚睇鄭多燕（韓國素人師奶）啲減肥碟跳舞。」得 98磅都仲要跳舞減肥，小心降 cup呀！
君如做執房「桃姐」
詹瑞文客串做鄉下佬住酒店，污糟得 嚟又成口鄉音，「 check-in」變「出煙」，更要酒店經理毛舜筠同房務總管「桃姐」吳君如幫佢按臭腳。
有份同薛凱琪爭家產 嘅有米黃百鳴，最後同吳君如一 pair，由《家有囍事》睇到𠵱家！
蝕住賣碟
將於本週五（ 1日）出新碟《冷笑話》的 Fiona，今次賣大包以 boxset形式包裝，隨碟附送 80頁書仔一本，內有 Fiona親自操刀的相集及畫作，又有家居相及與薛媽媽的 sweet合照，唔會得幾頁歌詞咁慳皮。不過由於製作成本唔平，兼只會限量 1千隻，即使賣晒都回唔到本，蝕住出碟！
瞓床攬貓
晒 S形腰
啜爆媽咪
背心露罅
留言列表
{{ article.title }}
