《老表》上週平均都收 30，慶功一輪接一輪，仲話有機會添食拍電影版。不過電影版未落實，先有王祖藍帶挈萬綺雯接拍清裝劇《食為奴》。《蘋果日報》圖片
真面目
話晒事 祖藍大搞《老表》清裝版 萬綺雯踢走陳法拉
見好就收？梗係唔得！有風駛盡𢃇至係真理！
王祖藍首次做編劇的《老表，你好 嘢！》一出街收視、口碑雙贏，即刻由電視台二線諧星升呢做金牌橋王。最近有傳林峯扭計推劇，搞到重頭劇《食為奴》臨時易角，奉旨執二攤嘅祖藍唔只做男一，仲有話事權帶埋原班人馬萬綺雯、張繼聰、 Bob變清裝版《老表》！接套劇 啫，都可以扭橋兼換血益晒自己友，呢 啲咪叫呼風喚雨囉！
去年官方節目巡禮《食為奴》公布卡士為林峯、吳卓羲、陳法拉和陳敏之，其後有傳陳敏之一角由鍾嘉欣頂上，如今連鍾嘉欣亦辭演，據知該角色已被刪除。
去年台慶播出的《 2013節目巡禮》大鑼大鼓話要搵林峯扮皇帝、陳法拉扮呂四娘，夥拍吳卓羲、陳敏之雙生雙旦演出重頭清裝劇《食為奴》，下月開拍在即，突然俾班花旦小生一鑊繑起。
由頭帶到尾
未動筆同無 綫續約嘅林峯，一句「唔想剃頭」就辭演，法拉趕拍陳豪套《傳愛事務所》，陳敏之用私人理由、吳卓羲要放大假至 3月推演，其後連諗住頂上的鍾嘉欣亦稱要放大假過年而未能埋位，成套劇焗住 喺最後一刻大換血。
好彩《食為奴》監製黃偉聲，趁住自己監製套《老表》大 hit，索性力邀福將祖藍頂上。連原訂以皇帝林峯為主的故事線都大執位，改由扮演廚房版「韋小寶」的王祖藍由頭帶到尾。
「監製想我接！」
話就話今次唔會參與編劇工作，但據知農曆年後開工的《食為奴》所有改動萬大事以祖藍為先，其他角色亦係監製黃偉聲睇祖藍頭親自致電接洽。目前落實會畀面祖藍參演《食為奴》嘅《老表》舊部就包括萬綺雯、張繼聰同林盛斌（ Bob）。
明知扮呂四娘要打到飛起，頸骨移位唔吊得威吔嘅萬綺雯都照接，週一（ 28日），蚊蚊說：「係黃偉聲打畀我，接呢套劇都唔係淨係因為祖藍，係監製自己打畀我，話節目巡禮班演員就唔到期想我接 啫。我同祖藍、張繼聰合作得開心，咁咪接囉！」唔知到時會唔會加埋陳明恩做清朝鬼妹呢？
陳法拉因趕拍同陳豪《傳愛事務所》，冇期接《食》劇。
被迫大換血
成套《食為奴》變晒樣，監製黃偉聲話：「本來係想用番巡禮陣容，不過好多度唔到期，其實呢啲情況成日有發生。」
男一林峯唔肯剃頭辭演，皇帝一角由黃智賢頂上，亦由男主角變二線，故事主線變御廚王祖藍。
林峯 Out《蘋果日報》圖片
黃智賢 In
女一呂四娘搵 嚟萬綺雯頂替法拉，為遷就人氣急升兼有舊患在身的萬綺雯，監製要用替身拍攝所有吊威吔鏡頭。
陳法拉 Out《蘋果日報》圖片
萬綺雯 In
吳卓羲 Out
在巡禮中吳卓羲飾演浮誇富家子，落難到宮中變御廚，睇佢個表情，就知要佢搞笑有難度。 
王祖藍 In
王祖藍一出，連劇本都大執位，祖藍飾演的富家子陰差陽錯入皇宮做御廚由頭帶到尾。
張繼聰、林盛斌兩個《老表》舊將在《食為奴》重聚， Bob做皇帝總廚，張繼聰則會做刺客組織首領。
Bob新加入
張繼聰新加入
帶挈女友強國發財
去年首次北上演出湖南衞視《百變大咖騷》令祖藍紅遍強國，第一年有份演出春晚，就變 4台聯爭「大腕」。雖然春晚價拍住內地一線藝人盛惠 50萬人仔，但除 咗無 綫春晚外，祖藍已經落實廣東衞視、湖南衞視、東方衞視三個春晚加一個元宵晚會，仲會帶埋李亞男出席湖南衞視情人節特備晚會，咁就 250萬人仔新年財袋袋平安！
鐵定接下 4台春晚騷，祖藍要預先錄定廣東衞視片段，仲同奧運冠軍孫楊同台。
王祖藍北上錄影湖南衞視扮 嘢騷，扮盡強國經典角色而大受歡迎。
不忘帶埋女朋友賺人仔，祖藍仲接埋湖南衞視情人節晚會，同李亞男一齊出席。
《老表》索女編係新移民
《老表》嘅中港矛盾劇情寫得夭心夭肺，皆因編劇之一吳沚默（ MoMo）就係新移民， 17歲由珠海來港入浸會讀電影、一畢業即考入藝訓班，仲俾藝員部睇中簽 咗 3年藝人約！芳齡 22歲、有樣有身材仲有腦識寫劇本，呢個女神有深度得多！
女神個個都興自拍， MoMo啲賣萌自拍索過唔少女星。
MoMo同《老表》編審龍文康企埋一齊十足美女與野獸組合。
留言列表
{{ article.title }}
