Jessica雖然加入紅 A只得 3年，但對許多產品也很熟悉，她笑言：「因為我屋企 7成以上家品都係用紅 A。」
青雲路
紅 A第三代 重新包裝 吸年輕客
2012年11月28日 ~~ 第1088期 交易通．搵車快線
提到港產老牌紅 A，許多人的記憶只停留在 70年代的紅色膠水桶，部分年輕一代甚至不知紅 A是何物，為了喚起大家對品牌的注視，重新建立形象，第三代接班人梁馨蘭（ Jessica）於 2年間，先推出網店，再找來名人代言，兼與插畫師 crossover，成功打入 90後市場，產品遠銷至歐美地區，證明舊事物不一定古老又 out，只要懂得包裝，一樣可以變潮。
Jessica（左二）自組 marketing團隊，員工均大讚她沒架子，又肯接納他人意見。
走進位於新蒲崗大有街、九層高的紅 A廠房內，雖然大廈於 2年前翻新過，但深木色格調的辦公室，仍然很有懷舊味，同行的 70後攝影師不停懷緬過去，追問接待員工有沒有讀書時期流行過的太空 喼，「 嗰時有個廣告，話個 喼好好用，落雨可以當凳仔坐，我 哋 啲同學仔個個都好恨要！」 90後女 model卻驚異地問：「紅 A係咩？好興 㗎？」而 80後的記者，只認識紅色膠水桶。不過當我們三人一踏進 3樓的陳列室，看到逾百種產品，包括水桶、水牌、杯碟、微波爐盒時，大家均說家中有這件、有那件，原來紅 A產品無處不在，已悄悄融入我們的生活。
「我相信每個人屋企，都會有一件紅 A產品，可能你 哋冇為意，但就好似便利店咁，梗有一間 喺左近。」紅 A第三代、任職業務拓展總監的 Jessica只得 30歲出頭，本身任職公關及展覽設計， 2年多前接到母親電話，想她回去幫忙，「記得有行家問過我，紅 A係咪死 咗，我好想話畀人知，紅 A仲 喺度，我認為係時候做 啲 嘢，令 啲人再次認識紅 A。」於是結束闖蕩生活，回到公司。
設計新穎年輕化
事實上，紅 A自 1949年創立後，至今發展一直不錯，只是第二代的父親梁鶴年作風較低調，才漸被人遺忘，如今交到 Jessica，即有一番新搞作。「我希望吸納番 啲 80、 90後 嘅年輕人。」頭炮就是重整品牌，推出設計新穎的新產品，如水滴形紙巾座、桃紅及白色調味樽等，「我想出 啲中、高檔 嘅產品，迎合年輕人，除 咗實用，仲可以當裝飾，登大雅之堂，所以產品 嘅線條同用色都同以前唔同。」
外形講究，但實用和安全也很重要，所以 Jessica必親身試用各產品，「我同同事都會攞 啲產品返屋企用，好似話我 哋 嘅杯唔會跌爛，我 哋真係會不停跌佢落地，睇吓有冇崩，又試過有同事媽咪用個筲箕，話 啲窿太細，唔方便，我 哋就即刻改大 啲。」
水滴形紙巾座是 Jessica最滿意的產品之一，也是網站最熱賣 no. 1，售$69。
Jessica找來 9位本地插畫師，包括小克、 John Ho等 crossover推出漏斗凳，凳面（小圖）印有不同插畫，每張會連同一套 10個迷你牌漏斗凳一同售賣，價值$680。
近年 Jessica主政年輕家品市場，產品線條設計和用色也跟以往不同，這款調味粉樽有多個顏色，每個$35。
與插畫師 crossover
除了新產品，知道紅 A是港人集體回憶，食住懷舊潮，她又推出懷舊系列，先限量 200盞座 枱塑膠水晶燈，又推出多種顏色的漏斗形膠凳，還與 9位插畫師來個 crossover，包括小克、 John Ho、歐陽應霽等，「為 咗凸顯紅 A係香港製造，所以我 哋搵 咗 9位本地插畫師合作，推出一系列復刻版 嘅漏斗形膠凳及模型，體現原創精神。」膠凳於去年聖誕節推出，限量 500件，一星期已賣掉一半，反應熱烈。
而新產品的銷售地點，由以往的家品或雜貨店，變為 city'super、 LCX及貿發局的設計廊等， Jessica更一腳踢開設網店，「公司 嘅 IT部門未搞過網店，好多 嘢配合唔到，無論版面設計、內容等，都要我去諗，而且頭半年網站反應麻麻，都有氣餒過。」後來 Jessica自組推廣團隊，幫忙度橋，又逐步更新網站，兼開埋微博、 facebook谷宣傳，才逐漸有起色，至今客戶比當初已有 84%的增長，每月網店生意額達 6位數字，更遠銷至歐美、日本等市場。
找幟哥做代言人
去年見《為食總司令》 hit， Jessica即找來幟哥任代言人。
為提升品牌形象，去年 Jessica見電視正熱播《為食總司令》，覺得主持人黃家幟（幟哥）形象夠入屋，便找他擔任代言人，「後來傾落，先知道原來佢旗下 嘅龍皇飲食集團， 10幾年都係用紅 A嘅產品，大家一拍即合。」有了代言人，媒體採訪及廣告增多，的確令更多人再注意到紅 A。「我 哋做 咗個統計，以前我 哋 嘅客戶群係 45歲以上，但係近 2年有年輕化趨勢，開始多 咗 20歲 嘅客戶。」
革新品牌過程， Jessica也曾遇到不少障礙，第一關就是父親，「每次向佢 sell橋都好難，好似我想產品用多 啲唔同顏色，佢會話紅色先係代表公司，我要做好多資料搜集，有齊數據分析先可以 sell佢，話畀佢聽邊 啲顏色受歡迎，同埋有時要配合番佢，某 啲產品都係出番紅色 嚟作協調。」
又試過因為她心急，要在一個月內推出復刻版漏斗形膠凳，搞到內部有反對聲音。「我想趕及聖誕節前推出，籌備時間唔夠 1個月，內部有唔少人反對，不停話搞唔掂，好在小克好幫手，幫我收集 graphic、聯絡其他插畫師，最終都趕得切出。」
與舊員工互補不足
面對一班老臣子，以為在人事上必定有許多困難， Jessica卻說：「咁又唔會，因為佢 哋有 嘅係經驗，正係我缺少 嗰一塊，好多生產方面 嘅 嘢，我反而要向佢 哋請教，大家互相尊重，只係 marketing方面，的確要多 啲新點子，所以先要組一 team人。」
Jessica的新點子，還有帶紅 A走向國際化，「家 啲產品都有賣去外國，可惜呢幾年歐美市場差 咗，早前我去上海睇騷，發現內地市場好有潛力，佢 哋愈 嚟愈著重產品 嘅安全性，家有 啲內地餐飲集團，指明用我 哋 嘅產品，希望品牌可以愈 嚟愈年輕同國際化。」要帶領這個逾 50年歷史的產業， Jessica未來的路還很長。
客人 Lilam
我買嘢好少留意品牌，
