自一○年八月跟寰宇控股主席林小明離婚的趙雪英，二人的離婚訴訟上周假高院處理，當中有法庭文件驚爆當年是旗下藝人的李彩華曾被人要求陪富商外遊，事件惹得外間關注。

離婚後的趙雪英憑個人獨到眼光炒樓翻生，周日（三十日）在萬呎的九龍塘大宅接受本刊訪問，強調不齒「逼人陪客」行為，說︰「我做咁耐生意，從未做過呢啲嘢！」雖然跟前夫官司沒完沒了，幸子女跟她一條心，力撐到底，故心情未受影響，更首度分享其溫馨家庭生活。

趙的九龍塘大宅達萬多呎，雖然只得六個人住，但也要五個工人負責打理。

唔搵污糟錢

上月廿四日，林小明和趙雪英的離婚爭產訴訟中，當中牽連李彩華曾被要求接客「懸案」，翌日她出聲明「拒絕出席跟演藝工作無關的一切活動」，另其母亦表示當年女兒拒就範，而向趙雪英借一百萬解約贖身，母女撐行趙，亦同意出庭講真相。

周日（三十日），趙雪英澄清來龍去脈，指一○年三月跟前夫簽訂離婚文件及分身家條款時，另還包括李的解約文件。對於有指當年李彩華被要求接客一事，她說︰「我由零開始，由做地產到電影上巿公司，唔驚賺唔到錢，做咁耐生意，從未做過呢啲嘢！佢哋向我求助時，係就係驚訝！我當年都自身難保，搞緊離婚，但人哋有難都會捱義氣照幫。」

大宅外的泳池旁設燒烤爐，平時可作開派對用。

一入大門的左邊是娛樂室，內置啤牌麻雀耍樂。

對於李彩華事件，前夫曾揚言要告趙雪英誹謗，但她不但獲李彩華母女力撐，其子女經閱讀有關雙親辦離婚的法律文件後，亦跟趙雪英一條心，支持到底。趙雪英說︰「我唔驚林生告我，件事都係佢講先，佢一早搵定記者去法庭聽，事後仲第一時間，接受各大傳媒訪問，第二朝（廿五日）一早仲send短訊叫個女聽收音機睇報紙，想轉移仔女嘅視線話我搞事，啲仔女大晒，對事件好清楚，兩個都企我嗰邊。」

雖然跟前夫官司沒完沒了，但她直言心情未受影響，閒時炒樓炒股，離婚初期身家一度大縮水，幸靠其獨到眼光，成功翻幾番，離婚後生活更富貴。