錢我大把！（設計對白）
著住牛仔布料 Ash，張玉珊拖住婆婆出 嚟玩遊戲，同班老人家慶祝中秋節。
同你吟一吟
李嘉欣張玉珊撞鞋
男人買波鞋，不惜工本，例如梁朝偉，一對 New Balance 996，炒價千六蚊都大把人爭住要，連余文樂劉德華張家輝都係 NB忠實粉絲。
波鞋喜好，男女有別，圈中兩大「財女」李嘉欣、張玉珊，就對意大利品牌 Ash情有獨鍾。
內置暗 踭，隨時可以高三吋，標價二千銀起跳，對財女 嚟講當然濕濕碎。早個禮拜，大美人丟低寶貝仔 Jayden Max，飛去上海拍廣告。黃昏六點半到 埗，行出閘，著住銀色 Ash嘅李嘉欣邊行邊講電話，本身已經五呎七，加埋對鞋，李嘉欣更加高人一等。
至於另一位 Ash粉絲，係近日盛傳會下嫁百億身家電子大王劉紀明 嘅張玉珊，上星期四（二十七日）佢聯同欣宜蔡一智等去觀塘探長者送月餅，提到婚訊，張玉珊全部否認，仲話自己而家單身。百億身家電子大王都唔吼，張玉珊唔只鞋 踭高，要求更加高！
記者追問婚訊，張玉珊合十求大家放過佢，又話自己知道錯，而家單身感情隨緣喎！
就算大肚都著高 踭鞋 嘅李嘉欣，呢個波鞋加粉紅 legging look，罕見！
全站熱搜
留言列表
{{ article.title }}
