問 Sean和 Gigi點撻着？「嗰陣（七年前）我搵阿 Gi做 PR，接觸多咗，發覺佢係個好善良、好爽嘅女仔。」
探熱針
公開向父母道歉 趙式芝：「但我冇後悔！」
五億瘋狂
趙世曾決意棒打鴛鴦，上週一公開以五億招婿拗正阿女，引起國際傳媒如 BBC、 CNN、路透社、美聯社等爭相報導，姚煒嬲爆話：「成件事變成鬧劇，我唔想再講嘢。」對於父母的過激反應，趙式芝坦認是她處理不當，「宣布嗰刻係我有啲衝動，我對整件事要道歉，因為成件事太倉促，未得到父母嘅同意，令佢哋覺得突然、難受。」趙式芝坦言與 Sean的關係、性取向都光明正大，「傳媒對我哋嘅婚事、性取向有興趣，係來自兩位老人家多年嘅聲譽，我哋做嘅嘢令傳媒追訪佢哋造成滋擾，令佢哋受傷害，我要向佢哋道歉。」
Sean不想身邊人接受各國傳媒訪問，令事件變成國際的茶餘飯後話題，趙式芝卻另有看法，「傳媒覺得我會好嬲爹哋，我唔想佢哋誤會，其實呢件事我覺得幾 touch，呢 啲係佢愛我 嘅表達方法。」她在 BBC訪問中大讚 Sean，「我係因工作認識 Sean，跟住我 哋互相了解，之後就係咁啦！ Sean係個好重視家庭 嘅人，所以佢好想我 哋去教堂，戴上戒指。」
婚禮在巴黎的 Eglise Catholique Gallicane舉行，由神父為她們祝福。
她們在巴黎鐵塔前影了一輯「結婚相」。
上週四晚 Gigi接受美聯社訪問，同日她已做了路透社和 BBC的採訪。
各地傳媒都訪問或轉載趙世曾五億為同性戀女兒招親的新聞。
驚被綁架
趙式芝雖已表白心跡，趙世曾亦話：「一定要係中國人。」但五億招親經傳媒廣泛報導後，每日有上千個來自世界各地的「應徵者」，透過電話、電郵、 Facebook等接觸女主角，累積至今已有近三萬追求者，令趙式芝不勝其煩，「秘書話有好多黐線人打 嚟，搞到佢 哋好煩，我根本做唔到 嘢。」 Sean接住話：「佢近日收埋好多核突示愛 email，外面又有咁多癲人，佢都驚俾人綁架，我已經幫 Gigi搵緊保鏢。」不過趙世曾反而無有怕，「香港有五億嘅人大把，冇呢個擔憂。」
姚煒曾因 Gigi性取向避走上海兩年，後因信主與女兒修補關係。
二人留在巴黎度蜜月，開心到爆！
趙世曾玩世不恭，但趙式芝（右）說他是好父親，亦接受他每一個女朋友。
上週六下午她們去了深水埗做義工，派餐給無家者過中秋。
Sean除了擔心趙式芝的人身安全，最不滿是有傳她利用 Gigi替波爾錶宣傳，「我知阿 Gi媽咪好嬲，之後佢 whatsapp我，話我利用 Gi幫波爾錶做宣傳，我知出面 啲人都係咁睇，我覆番阿 Gi媽咪話我 哋每年用幾千萬做宣傳，唔需要咁做。」 Sean更激氣是有傳媒盜用她的 Facebook相，「當 啲（結婚）相登出 嚟，我個人癲晒，個個都以為我周圍發相俾人，我已經出 咗律師信追究。」事發後，姚煒只肯透過 whatsapp與女兒通話，至上週六才肯相約午飯和好。
上月趙式芝與 Sean代理的 A.D.M.J.手袋，位於崇光和美麗華商場的門巿都已結業，有指 Gigi要賣掉銅鑼灣四百多呎物業填數，她聞言笑說：「 Funny!」 Sean代為解釋：「阿 Gi層樓四年前已經賣 咗，因為當時佢同我一齊住；我 哋唔做 A.D.M.J.係冇時間，加上 Sogo要收番個位，美麗華個場又太靜，我 哋寧願蝕幾十萬訂唔做。」
面對是是非非，趙式芝語重心長的說：「我係過來人，見過上一輩因傳媒挑撥離間，講咗啲有刺嘅說話造成家庭破裂；我唔想我父母受傷害，因為我哋都好愛大家。」 
留言列表
{{ article.title }}
