講奧辦
奧運開鑼 必睇話題超新星
晶晶接班人 跳水公主 何姿
一代跳水王后郭晶晶嫁人唔玩，但都有跳水公主何姿接棒。呢位 21歲小妹 喺今年全國跳水冠軍賽中，以 400.10分奪得 3米板金牌，環顧近 4年取得 400分成績就只有師姐郭晶晶同吳敏霞做到，可見實力非凡。
除 咗實力，何姿被人討論得最多係 3年前網上瘋傳 嘅寫真藝術照，稍露香肩已贏得少男殺手稱號！何姿就話自己貪靚留個記念而已，家專心比賽唔會再影。講番奧運，何姿將出戰單人同雙人 3米板，外界就覺得佢同吳敏霞 嘅組合勢必奪金，係差在單人賽能否爆冷擊敗師姐由跳水公主變王后喇！
內地叫呢 啲做藝術照，好多妹都會影，造型尚有娘味，但勝在樣子甜美。
近年鍾意 喺微博貼生活照，呢張食雪條自拍都幾有香港女士們 嘅 facebook風格。
Profile
年齡： 21歲
代表：中國
主要戰績： 2012年全國跳水冠軍賽 3米彈板冠軍
出戰項目： 3米彈板（ 3/8-5/8）、雙人 3米彈板（ 29/7）
跳水小正太 英倫神童 戴利
戴利出戰奧運前， 5月仲出 咗本自傳《 My Story》，擺出一副游刃有餘 嘅樣子。
正太者，蘿莉男版也，泛指可愛小男孩。 4年前京奧年僅 14歲 嘅英國跳水神童戴利（ Tom Daley）憑住可愛外形贏得跳水正太之名。如今正太長大了，自信滿滿話早已準備 咗 4套新動作應戰，其中 1個仲話係史上最難添！連中國跳水隊領隊周繼紅都話戴利係夢之隊包攬全金 嘅最大阻力，可見正太有計，唔係高大威猛先玩得奧運 嘅。
Profile
年齡： 18歲
代表：英國
主要戰績： 2009年世界跳水錦標賽 10米跳台冠軍
出戰項目： 10米跳台（ 10/8-11/8）、 10米雙人跳台（ 30/7）
泳壇中韓鬥 孫楊 VS朴泰桓
泳壇一向西方人稱霸，不過今屆自由式比賽焦點會落 喺孫楊同朴泰桓 嘅中韓對決上。現年 22歲 嘅朴泰桓為韓國國寶級泳手，上屆京奧奪金創歷史；而 20歲 嘅孫楊近年則愈戰愈勇，多次刷新最佳紀錄。兩位靚仔泳手將會同場出戰自由泳 200米、 400米同 1,500米賽事鬥足 3場，絕對係必睇 match up。
孫楊可謂當今中國奧運代表最有人氣男選手，傳媒問佢幾有信心，孫楊就豪言一定有金拎！美聯社圖片
朴泰桓同冰上精靈金妍兒並稱韓國國寶級選手，拍廣告又多緋聞，人氣仲勁過 Super Junior同少女時代。近排竟然放風話孫楊年齡同體力有優勢，故意示弱？美聯社圖片
孫楊 Profile
年齡： 20歲
代表：中國
主要戰績： 2011年世界游泳錦標賽 1,500米自由泳冠軍，並刷新世界紀錄。
出戰項目：自由泳 200米（ 29/7-30/7）、 400米（ 28/7）、 1500米（ 3/8-4/8）
朴泰桓 Profile
年齡： 22歲
代表：韓國
主要戰績： 2008年奧運 800米自由泳金牌
出戰項目：自由泳 200米（ 29/7-30/7）、 400米（ 28/7）、 1500米（ 3/8-4/8）
香港小花 鄧穎欣
Natasha喺倫敦出世，算得上有半個主場之利。
香港泳隊方面，蔡曉慧都後繼有人，將派出 4小花施幸余、歐鎧淳、鄧穎欣、韋漢娜出戰。其中拔萃渡海泳公主鄧穎欣首戰奧運，上年游過維港渡海泳 嘅 Natasha將出戰 10公里公開水域賽，睇吓佢能否 喺自己出生地倫敦獲得佳績！
Profile
年齡： 19歲
代表：中國香港
主要戰績：出戰 2010年亞運 400米、 800米自由泳
出戰項目： 10公里公開泳賽（ 9/8）
衝牌女車神 李慧詩
Sarah可謂女版拚命三郎，患有貧血症、 07年炒車斷手做過多次手術都冇放棄，香港人點可以唔撐。
港隊新星唔只有泳隊，今屆香港隊更破紀錄派出 42名運動員參與 13項賽事。當中 喺 10年亞運奪金 嘅單車女車神李慧詩甚有機會衝擊獎牌。 Sarah近年 喺國際賽都拎到獎牌，世界級實力毋庸置疑。首戰奧運 嘅佢將出戰爭先賽同競輪賽兩個場地賽，記得捧場。
Profile
年齡： 25歲
代表：中國香港
主要戰績： 2010亞運 500米計時賽金牌、爭先賽銅牌
出戰項目：單車場地爭先賽（ 5/8-7/8）、競輪賽（ 3/8）
雙性人解禁參賽 塞門婭
雙性人爭議有好多外國報章報道，至於國際田聯點鑑定佢係女人就冇公布，總之大家會見到塞門婭角逐今屆奧運女子 800米跑。
09年，塞門婭（ Caster Semenya）成體壇焦點非因為世界田徑錦標賽奪冠，而係因為佢 嘅雙性人爭議！據稱塞門婭體內睾丸激素分泌量為正常女性 3倍、冇卵巢兼有一粒睾丸。不過經過 11個月 嘅調查，醫學鑑定終判定塞門婭為女性，總算 喺奧運前取得入場券，佢話將會昂住頭去到倫敦，少理其他人目光，全力奪冠咁話！
Profile
年齡： 19歲
代表：南非
主要戰績： 2009世錦賽 800米冠軍
出戰項目：女子 800米跑（ 8/8-11/8）
體操女王 伊茲巴克
08奧運取得個人自由體操同團體金牌，但 22歲 嘅佢仍然係有機會突破紀錄！（網上圖片）
體操向來係受觀眾歡迎嘅項目，中國隊處於交接期，外界評估女子體操方面會黑馬群起，當中要留意羅馬尼亞體操女王伊茲巴克（ Sandra Izbasa），今年 22歲 嘅佢狀態大勇，帶領國家隊取得 2012年歐洲體操錦標賽團體賽冠軍，乃當今最矚目 嘅女子體操運動員。
Profile
留言列表
{{ article.title }}
