Kyle在大專界有「 chok男」之稱，但拍照當日他收起 chok樣，以陽光男孩形象示人，留番鬥演技時再 chok咁話。
淘汰賽
《 Y2K》抄港姐叮人 校草 Kyle： chok過林峯實贏
港台青春劇《 Y2K》系列捧紅過唔少人，阿 Sa、余文樂和方力申都係靠呢套劇出身。今年《 Y2K》重生，似足港姐改用淘汰制，從 15個入圍靚仔靚女中選角，被選中就有機會參演 9月開拍的新一輯《 Y2K》。
上屆《 FACE》校草選舉冠軍， 23歲 Kyle是大專界「 chok男」，揚言目標就是入娛樂圈，仲誇口話 chok過林峯點會輸喎！
今年 9月港台將拍攝新一輯青春劇《 Y2K》，早前招募新女，選出 15人入圍，當中有勝出過《 FACE》 U Star的校草 Kyle（李任燊）、及廣告女王 Hedwig（談善言）。
這班要爭入圍的「準明星」要在播映中的特備節目《 Y2K不日放映》中鬥演技、擺 pose等「考試」，逐步淘汰，最後未有被叮走的，才可得到演出機會，似足今屆港姐淘汰制。
上週其中 5位候選新人接受本刊訪問， 23歲 Kyle是理大副學士學生，兼職模特兒，自細就發明星夢：「好想入娛樂圈，贏 咗校草之後更大膽，走去參加《 Y2K》，好想試吓拍劇！」 Kyle在大專界有「 chok男」之稱，他自言有着數：「我好想拍劇， chok過林峯實會贏啦！」唔只識 chok， Kyle原來下廚工夫了得，對女友又細心，喜歡靜靜雞預備定小禮物，給女友一個大驚喜，未入行已經係筍盤。
未拍劇前，一眾參加者要在 5集《 Y2K不日放映》中進行各樣比試，《 Y2K》出身的阿 Sa，在節目中選出最有陽光氣息的男孩， Kyle敗給曾為單車港隊代表的 Chris。
Kyle去年參加《 FACE》 U Star，獲評判謝安琪睇好，果然奪得校草冠軍。
各靚仔靚女願望都是投身演藝事業，現時仍要過五關斬六將，得到港台監製挑選，避得過叮走的命運才有機會演新一輯《 Y2K》。
（上左起）
Fiona宣而 22歲
模特兒兼形象指導
Hedwig談善言 22歲
模特兒
（下左起）
Chris方家進 22歲
單車顧問
Eric梁嘉進 25歲
演藝學生、游泳教練、救生員
Kyle李任燊 23歲
理大副學士 2年級、兼職模特兒
短髮女神
而拍過多個廣告的 22歲 Hedwig，靠短髮及爽朗形象意外地被列入「我的女神」候選名單，她說：「我比較男仔頭，但港台 啲人話我笑得靚，所以歸納為女神喎。我係全職 model，最鍾意睇漫畫，曾因為沉迷漫畫，同個拍 咗 6年拖 嘅男友分手囉。」
至於另一位 22歲的 Fiona（宣泇而）亦是全職模特兒，拍過港鐵廣告，是 Angelababy的師妹，決心以師姐為目標：「公司叫我 嚟參加，我希望好似 Baby咁做 model又演到好戲啦！」
武術鬥戲劇
除咗 Kyle，男子組仲有 22歲 Chris（方家進），大大隻好有港男 feel，原來是香港武術和前單車青年隊員，曾奪得中國國內單車比賽銀牌，現職單車顧問的他，好想做動作演員：「我偶像係甄子丹，好似佢咁威就好喇！」而 25歲的 Eric（梁嘉進）就有超級陽光笑容，他是演藝學院戲劇系學生，又是兼職模特兒，曾參演過林二汶〈無忘花〉 MV，「我仲係救生員同游泳教練，又自學 beat box，但最大願望係投身演藝工作。」
《 Y2K》培育明日之星有一手，呢幾位靚仔靚女隨時係阿 Sa、余文樂嘅接班人！
最索 2女神
M記妹 Hedwig
Hedwig拍過唔少廣告，自認男仔頭性格的她，中學時是排球校隊球員，畢業後投身模特兒行業，視參加《 Y2K》是個挑戰：「如果被人叮走，我會去澳洲 working holiday，返 嚟至做番 model。」
Hedwig較為人知的，是麥當勞的豆奶抹茶電視廣告，清新的形象令人眼前一亮。
余文樂睇中 Rachael
身在美國的 Rachael（陳潔慧）今年 19歲，在 HKU SPACE讀新聞系，目標是成為出色的新聞主播。
Rachael在節目比試中要跟余文樂演對手戲，被余文樂大讚：「佢天生有氣質，能夠說服到觀眾！」
最佳捷徑
《 Y2K》出過唔少紅星藝人，確實是投身娛樂圈的最佳途徑之一，一於回顧吓有乜紅星彈出咗啦！
99年《 Y2K前的暑假》
方力申曾為香港游泳代表隊隊員，在劇中亦飾演游泳選手，健康活力的形象成為少女偶像，一炮而紅殺入娛樂圈。 
00年《青春@Y2K》
蔡卓妍 12年前首次拍劇，在劇中飾演欖球隊成員阿 Sa，活潑的形象極受歡迎而被英皇娛樂經理人 Mani發掘，簽約旗下與阿嬌組成 Twins，唱歌、演戲又在紅館開演唱會。 
唐詩詠飾演唐思凝，與阿 Sa是死黨。拍完《 Y2K》的她 03年加入 TVB參演《當四葉草碰上劍尖時》更為人熟悉，現已成為上位花旦。 
余文樂飾演男子籃球隊成員阿樂，是阿 Sa暗戀對象；翌年余文樂再參演《 Y2K+01》正式入娛樂圈，簽約做歌手，拍《春嬌》演活「志明」。
06年《過渡青春》
羅仲謙同 Janice Man（文詠珊）齊齊拍《過渡青春》，謙仔演耕田仔， JM則是喜歡幻想的少女，更自此成為大眾「女神」，做 model又拍電影；謙仔亦做 咗 TVB當紅小生。
留言列表
{{ article.title }}
