佢偷咗我個琴呀！真實對白
王菀之平時唱歌斯文，講嘢陰聲細氣雞仔聲，估唔到拍劇可以表情咁大，額頭同頸現晒青筋。可惜過火得滯，講對白幾乎嗌到成條街都聽到，難怪導演唔收貨。
雞仔聲
一句對白 NG五次 王菀之衰誇張捱鬧
歌星齋唱點搵到食，點都要拍吓電影或劇集先入到屋，再賺登台、廣告錢。天生靚聲的王菀之（ Ivana）亦唔例外，出道 7年，早前做過舞台劇，最近終於殺埋電視，拍住王祖藍、郭晉安等好戲之人，處女拍無綫新劇《老表，你好 嘢！》。
上星期首週開工即頻頻 NG，一句對白都要 NG五次，更俾導演當街鬧。講嘢唔掂，表情又浮誇，結果一個簡單 shot超時兩倍，拍足兩個鐘先完成。
導演訓話
你表情太誇喇！真實對白
拍完第一個 take，導演（左）即刻走埋去 Ivana面前：「你唔使咁大動作 㗎！」 Ivana即刻點晒頭知衰。
私人化妝師
Ivana今次拍劇落重本，除 咗有保母車跟出跟入，唔使同人迫無 綫小巴，仲自備私人化妝師，盡顯一姐風範。
坐保母車
王菀之入行至今，演戲經驗唔多，除 咗 07年幫森美小儀歌劇團拍舞台劇外（圖），上年亦同梁祖堯、湯駿業等合演《 I Love You Because》。唔知係咪拍得多舞台劇，做戲比較誇呢？《蘋果日報》圖片
33歲王菀之出道至今一直賣靚聲，上年一首〈水百合〉勁 hit令她有機會在紅館開個唱，又首度成為「亞太女歌手」。無 綫錫晒，自然要報恩，今年王菀之趁 TVB花旦荒，失驚無神走去無 綫拍新劇《老表，你好 嘢！》做外援。
青筋演技
郭晉安，萬綺雯 喺《老表，你好 嘢！》擔正，二人 喺劇中飾演社工，角色超正經，反而搞笑戲分幾乎全部 喺王祖藍身上。論搶鏡度一定王祖藍贏啦！
拍劇新丁的 Ivana戲分唔少， 20集劇由頭帶到尾，仲同張繼聰、王祖藍有唔少感情戲，大玩三角戀。可惜 Ivana唱歌 100分，但做戲就未合格，開工即變 NG王。
上週四(12日)到觀塘取外景，該場戲拍攝 Ivana發現王祖藍偷琴，之後走出路口大叫：「佢偷 咗我個琴呀！」簡單一句對白，但 Ivana演來吃力，破口大罵青筋現形，當場被導演埋怨：「唔使咁大動作！」亦話佢：「你表情太誇喇！」結果超時一個鐘先拍完。
鬼妹師妹撐場
演藝幫玩晒
新劇《老表，你好 嘢！》除 咗有王菀之外，亦有張繼聰、黃光亮等外援，但據知戲分最搶其實係第二男主角王祖藍，連第一男女主角郭晉安和萬綺雯亦唔及佢。事關今次王祖藍有插手編劇，事件更搞到一眾無 綫編審、編劇發火，拒絕為王祖藍開工。激嬲班編審，演藝戲劇學院畢業的王祖藍惟有搵班師兄弟同學幫手，《老》劇編審龍文康正係電影及舞台劇在職編劇。幕前除黃光亮，亦搵埋教友兼鬼妹師妹陳明恩幫手。
幕前幕後都有自己友謢航。記者問祖藍是否搵自己友幫拖，佢就死唔認：「陳明恩唔係我介紹㗎，至於編審龍文康，佢係好出名，不過都係 TVB功勞，唔關我事。」唔敢邀功，費事再辣着 TVB編審啦！
猛料編審
王祖藍今次碌人情咭吹雞 嘅編審龍文康，原來大有來頭，除 咗創作過唔少舞台劇，亦創作過唔少電影劇本，如爾冬陞導演的《門徒》和仲未憑《打擂台》打出名的郭子健導演的《野．良犬》等。現於演藝教編劇班。咁有水準，希望有 啲好劇本啦，唔好又係 啲師奶劇。
王祖藍早前表示有份寫《老表，你好嘢！》，令一眾編劇不滿，現改口話只畀創作方向，就連編劇名都冇出現喺戲本上。
龍文康
《野．良犬》
《蘋果日報》圖片
《青苔》
《壹週刊》圖片
鬼妹廣東話拍劇
外援救兵
家陣個個北上，無 綫小生花旦買少見少，所以無 綫都要搵唔少外援幫手。除 咗《老表，你好 嘢！》有王菀之、張繼聰和黃光亮等， 嚟緊都係靠外援食糊，好似重頭劇《衝上雲霄 2》就為 咗等吳鎮宇而延期拍攝。
《衝上雲霄 2》
雖然無 綫以最強卡士上陣，有胡杏兒、林峯、馬國明和陳法拉等，不過都特登要等埋 喺大陸拍完劇嘅張智霖先開工，認真大面。
張智霖
吳鎮宇
《老表，你好 嘢！》
除 咗搵王菀之外，亦有張繼聰、黃光亮等。唔使成日見到熟口熟面無 綫藝員。
張繼聰
黄光亮
《 On Call 36小時 II》
留言列表
{{ article.title }}
