Niki加盟林建岳旗下的東亞，與天王級的黎明、劉德華、鄭秀文、許志安及楊千嬅等同門，但如今卻得罪無綫，咪話唔煩！
封面
學官恩娜起飛腳 TVB清算反骨周麗淇
繼官恩娜因轉唱片公司，出爾反爾得罪 bma老闆羅傑承及玩謝無綫後，周麗淇（ Niki）亦有樣學樣越級挑戰。 Niki自去年滿約 bma之後， Niki以甘願做「親生女」來氹無綫，無 綫亦為表誠意，一連開 2套劇畀 Niki擔正，點知最近， Niki竟然把唱片連經理人合約一併簽給東亞，今日（ 7月 17日）下午開盛大過檔記招，起飛腳同反骨程度仲勁過官恩娜。
其實， Niki已非第 1次跟無 綫交惡， 08年同鄭嘉穎分手，不停向傳媒放料放毒箭，已經俾無綫製作資源部總監樂易玲警告過，樂大媽更阻撓其助手入電視城開工，成為一時熱話。據知，本來由 Niki擔正的新劇《女警愛作戰》本定於 8月暑假黃金檔播出，但最近臨時抽起，清算行動一觸即發； Niki恃住有新老闆岳少撐腰，處處辣火頭。
激嬲樂大媽
樂易玲對於周麗淇咁反骨相當震怒，親自操刀清算周麗淇。
早於去年底，周麗淇已不斷向無 綫放聲氣，願意簽經理人合約做「親生女」，無 綫眼見花旦買少見少，當然有興趣。自知在樂壇難有起色的 Niki，為向無綫擦鞋，去年提前與五大之一的 bma解約，終於成功被無綫邀拍《我的如意狼君》和《女警愛作戰》兩劇，更孭飛做女主角；雖然期間 Niki屬「自由身」，由密友王敏慧（梅艷芳生前經理人）幫她接 job， Niki亦藉其人際關係，認識東亞老闆林建岳，於月前成功傾掂數，加盟任賢齊新 label「大岳娛樂」旗下，做蘇永康師妹。
除 咗有王敏慧搭路簽岳少， Niki家姐周汶錡更出盡力，上星期帶埋阿妹去上海出席劉嘉玲開設的酒吧開幕，幫妹幫到出晒面。
急抽 8月劇《女警愛作戰》
2月先拍完的新劇《女警愛作戰》，香港有排都未播，但已經喺強國視頻網站 PPS任睇。記者致電男主角謝天華，問他知否 Niki已簽約東亞，他說︰「冇聽佢講過，（新劇因 Niki被抽起？）冇聽過，亦唔知幾時會播。」
本週一東亞老闆出席活動後急急離場，沒有回答記者提問。本週二的加盟記者會，新老闆任賢齊（下圖）、師兄蘇永康都會出席。
曾返 TVB認錯
有傳舒淇 10月滿約東亞， Niki即時攝位，但舒淇是林建岳的愛將，極有可能出力挽留。《壹週刊》圖片
無 綫得知後大表震怒，覺得 Niki反口，本來安排在 8月暑假黃金檔播出的《女》劇，即刻臨時抽起，提早播放由鄭則仕、黎耀祥兩大影帝視帝主演的台慶劇《造王者》。
知情人士說︰「 Niki以為有岳少撐腰，但估唔到連劇都唔播咁誇張，佢 2星期前有返電視城認錯，仲搵 Tommy（梁家樹）幫手，但今次樂小姐已經講明會出手。」其實即將 33歲的 Niki一向碼掂唔少無 綫監製，好似梁家樹、李添勝和梅小青等，但李添勝快將退休、而梅小青亦已跟老公劉家豪轉投 now，而且 Niki今次明剃無 綫眼眉，跟樂小姐又一早積怨，當然受到清算。知情人續說︰「當年阿 Ju（ Niki前助手）被玩，個個都心中有數， Tommy年尾套新劇初時有預 Niki㗎，但最終決定權都唔 喺監製手上。」
官恩娜反骨先鋒
04年官恩娜簽約 Boombeat Music，直至 09年在《超級巨聲》中獻唱獲雷頌德大讚，外間才開始留意 Ella的歌藝。今年 6月 Ella出席活動，自爆已揀定唱片公司，即有報道指她獲 bma找數 200萬元，但脫離前經理人後卻不簽約 bma，更傳佢簽約四大唱片之一的華納，連帶激嬲無綫的樂易玲，將她飛出無綫劇《雷霆掃毒》宣傳。
Niki同官恩娜孖住起飛腳，今年各自轉會出唱片，但齊齊因為咁得罪無綫。
Ella本來執到支好籌，可以同林峯拍新劇《雷霆掃毒》，點知衰收尾，樂易玲下令唔使佢出席宣傳活動。《忽然 1周》圖片
bma老闆羅傑承對音樂好有熱誠， Niki轉會，公司仲有曹格、周國賢，同在《紅白歌星鬥》彈出的 Gin Lee。《壹週刊》圖片
擦錯高層鞋
周麗淇一向鍾意擦監製鞋，早排喺微博亦大擦 TVB前監製梅小青鞋，不過梅小青已過檔 now，無綫唔嬲就假！
自稱舒淇接班人
大鑼大鼓泊岳少碼頭，反骨淇更特別為本週二（ 17日）的加盟記招拍了一輯新相，為印製傳媒邀請咭之用。唔知有冇派畀樂小姐呢？
除了無 綫， 05年簽約 bma的 Niki，多年來深得羅傑承夫婦愛錫，但如今 Niki卻把唱片合約交給東亞，於本週二（ 17日）的加盟記者會更會即席獻唱，激到 bma老闆羅傑承生蝦咁跳。「羅生羅太真係好錫 Niki，每年點都會幫佢出 1隻碟。當時係 Niki口口聲聲話自己要主力拍劇，羅生先放走佢，點知
