社交圈

最怕有比較

2012年07月05日 ~~ 第1165期 香港《壹周刊》

雖說高矮肥瘦靚醜都是天生，但一有比較就更相形見絀，難怪咁多人為貪靚僭得就僭。

黃泳霖　高下立見


余詠君要昂起頭傾偈，令黃泳霖有點不好意思。

上週四，周國豐代理的英國床褥 Vi- Spring舉行新店開幕酒會， dress code是 British elegance，嘉賓之一的公益金前主席余錦基大女余詠君，卻以 causal爆的平底鞋素顏出現（右），明顯與打扮過的周國豐太太黃泳霖（左）相映成趣，難得她大方任影唔嬲，「我收工趕過嚟無時間換衫。」老友肯俾面出席，高了成截的黃泳霖亦不介意曲腳屈膝合照，大家 happy。

邱李茂琪　比上不足


習慣踩高屐僭建高度的溥儀眼鏡老闆娘邱李茂琪，上週三出席楊崢的新書發布會，拍埋只著矮踭鞋的趙式和（右圖右）身邊，即時高人一等。鬼咩！佢對過萬元的 Christian Louboutin靴有成六吋高喎！不過，佢著單肩裙就唔夠女子組合 Girl Kingdom、韓妹成員蔡恩真有睇頭啦（左圖），韓妹一雙 34C僭建胸假到奪裙而出，相對邱李茂琪就顯得更平平無奇。





陳君宜　最緊要靚




玩具城前董事鄭躬明上週四孖住太太陳君宜去 Vi- Spring酒會，鄭太堅持由頭靚到腳，硬要著 Rene Caovilla過萬元一對的五吋高踭鞋，搞到夫婦倆電燈柱掛老鼠箱，點知陳君宜話：「老公鍾意我高過佢，靚就得啦！」

李麗娟　唔怕




前民政事務局常秘李麗娟雖則無做官，但出鏡率都唔少，上週《蜘蛛俠》首映，媽打又現身，仲風騷地拍埋高佢兩個頭的男模合照，換着他人可能會尷尬，媽打一於話之你！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄