社交圈

胸其不備

2012年07月05日 ~~ 第1165期 香港《壹周刊》

性感當然是搶鏡突圍的不二法門，但不經意的爆乳，較明露俾你睇更加吸引！

邱詠筠胸光初露




平時唔覺唔覺，但原來邱達昌長女邱詠筠 嘅身材好有睇頭，上週五她隨父出席萬寶龍活動，影相前她將手袋放 喺地下（上圖），冷不防一𠌥低身，加上件拋領晚裝，六吋事業線盡現人前（左圖），攝影師睇到嘩嘩聲，鎂光燈狂閃，嚇到邱詠筠唔敢再𠌥低身拎手袋，唯有叫阿妹代勞，成晚仲用頭髮遮胸，其實有好 嘢應該同大家分享啦。

徐子淇露肉有價


徐子淇雖是千億新抱，但只要出得起最低消費五十萬給她的慈善基金，李太便會交足功課露肉出場。上週四，英國床褥 Vi-Spring俾足肉金請她做嘉賓，面尖如 V煞的她性感到場問記者，「點解我著得少衫反而話我瘦？」她更大呻每次買衫都被影到，唯有網購，「今日我身上啲衫同飾物，都係 Topshop同 Forever21。」





Jessica C.引仔




上週四 Landmark Men活動，甩咗拖一段時間的 Jessica C.以一件 Moschino deep V裙上陣，大晒招牌警鐘胸，擺明係想搵番件有潛質 嘅有為男士啦！搏命引仔，但走光咪蝕晒？「我戴 咗 nude bra， 喺屋企係咁照鏡，頭先又 喺車係咁黐膠紙。」

榮雪梅開窿再露




之前因為阿仔投訴過太過性感，榮雪梅封 咗胸差唔多成年，令曝光率大跌。為挽回低收視，她在萬寶龍活動上以一件 Pucci中空晚裝出席，又自爆今個星期會同老公去英國，「阿仔 喺 嗰邊讀書，下學期升中，會合佢睇中學環境，佢中文差 咗好多，我唔想佢變做 banana，所以今個暑假會搵個中文老師同佢補習。」

Rosemary爆鈕




剛從法國返港 嘅 Rosemary，以一件超細碼爆鈕恤衫上週現身《蜘蛛俠》首映，問佢做乜咁搏？佢話：「 啱 啱同一個導演傾拍戲 嘅 嘢，趕唔切換衫，我半年前開始學普通話，加上我識法文、英文，希望有機會拍多 啲電影。」啊！原來同導演傾戲真係要扣少幾粒鈕㗎！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄