上流滙
巾風
陳慧琳 sharp醒媽咪
「我今季都有少少 scarf print嘢，呢類衫可以襯得簡單 啲，唔需要加 accessories，而高 踭鞋都要襯 啲簡單、淨色款。」
Ricky評︰「雖然 Kelly未係最佳狀態，未算好瘦，但 着得好好睇，係個好 sharp嘅 summer look。襯埋對 two tone嘅涼鞋， 着出清新感覺，如果髮型轉為馬尾會更好。」
蔡卓妍 大肚少女
Flea Madonna（彈）
Ricky評︰「阿 Sa呢套 scarf print幾靚，不過加個頭箍就累事，感覺 over咗。加上佢件衫太闊，應該加條黑色 belt，突顯番腰線條，依家好似大肚咁。」
鍾欣桐 配件過火
（彈）
Ricky評︰「單睇呢件衫個 print好靚，但係造型配件完全失誤。白色打底衫好怪，有 啲壓力衣 feel，仲要加 belt，「 leggings同埋個古裝頭，感覺太多 嘢。」
徐濠縈 古裝大俠
Liger（彈）
Ricky評︰「呢副眼鏡好似籮記唱〈激光中﹀，整個配搭好肉酸，條 scarf加埋 啲風，好似古裝大俠。其實呢套運動、 瞓覺衫已經唔靚，而佢又比較細粒，加呢個腰包仲怪，有 啲九唔搭八。」
周汶錡 簡單穩陣
Loewe（讚）
Ricky評︰「 Kathy條裙清爽、舒服， cutting夠簡單，襯條橙紅 belt，已將腰線突出。穩陣得 嚟又帶 啲女人味。」
周慧敏 青春舒服
（讚）
Ricky評︰「 Vivian條 one-piece好有度假 summer feel，加呢個十年如一 嘅髮型不過不失。呢類打扮以佢個年紀 嚟講，都算 carry得好好，幾青春，如果佢扮潮反而仲驚。」
羅霖 貴氣突出
D＆G（讚）
Ricky評︰「豹紋好易令人感覺成熟，不過 Candy呢個豹紋 print，外面有 啲波點，個感覺 young咗。佢用呢個 scarf print背心襯黑色短褲，拎埋個紅色手袋，青春得 嚟又貴氣。」
諸葛紫岐 青春靚太
Emilio Pucci（讚）
「我好多唔同圖案 嘅 one-piece，今季都買 咗唔少。我覺得呢類裙色彩豐富，好有夏天清新感覺。要襯番唔好太搶 嘅顏色，例如米、白咁已經好好睇。」
Ricky評︰「 Marie俾人感覺青春，呢條裙好襯佢，好有夏天少女味。如果髮型轉為馬尾會更加好，依家阿太味濃 咗 啲。」
何超雲 新潮修長
Senada（讚）
Ricky評︰「超雲身形較圓潤，好易俾人感覺多肉、似師奶。今次條 Jumpsuit好 啱佢，襯埋條粗 belt同對鞋，整個感覺新潮 咗。同埋佢識用呢個角度影相，令成個人修長 咗。」
撞綠出色
tibi（讚）
Ricky評︰「件背心 嘅膊位好靚，撞埋綠色短裙好突出。超雲呢個米黃色襪好蝦人 着，不過佢識襯條高衩裙，成對腳都拉長 咗、瘦 咗。佢成日話時裝係革命，咁佢今次算革命成功。」
貼士
出色的 Scarf print，除了有最具代表性的 Hermes，今季亦有不少大牌追捧， Ricky說︰「今季最有特色係 D&G。其實 喺歐洲街頭都見好多，有 啲女仔會搭一邊膊頭、綁手或者放腰度， mix&match得好有型。反而香港就少見 啲，可能比較蝦人 着。」
忌襯全身
Scarf print容易令人感覺老餅、並非人人 carry得到。 Ricky說︰「 Scarf print本身已經好花，由頭放到落腳會好亂。而髮型同化妝都要簡潔，唔可以咁重手，整馬尾都係個唔錯 嘅選擇。想 着呢類衫，可以只放上身或下身或其中一 part，再撞淨色。如果想突出少少，可以撞下桃紅、黃色等鮮色。若想再穩陣啲，可以揀沉色 嘅 print，冬、夏天都啱用。」 
星級形象指導郭慶彬（ Ricky Kwok）曾與 Twins、樂基兒、熊黛林等藝人合作。近年更由形象指導變身為潮店老闆，於銅鑼灣開設時裝店 LAYETTE，專售英國及日本潮牌。
留言列表
{{ article.title }}
