春風笑騎騎
2008未結婚嘅嘉亨去悉尼旅行，大美人更一臉笑意，春風滿面。
當年今周
大美人的婚前婚後
媽咪姐係師奶仔，不過睇完《心戰》有重大啟發。事緣一晚，媽咪姐再度嘗試睇《心戰》，睇極依然唔明。媽咪姐老公好心，喺隔籬指手畫腳解釋，佢手一揮肚腩隨即一震，嗰個「大海景」仲有兩條若隱若現嘅鼻毛。天啊，那些年嘅籃球隊隊長究竟去咗邊呀？
當眾嘴對嘴
情到濃時，啜……
昔日型男變肥佬，當初甜蜜亦可變質。 2008年 6月《忽周》 674期，大美人李嘉欣被影到跟當時仍係男友嘅許晉亨，甜蜜共遊澳洲悉尼，其間又拖又啜， sweet到爆。
不過一結咗婚，又係兩回事。三年後（ 2011年）同樣嘅 6月，第 827期《忽周》又影到大美人。已經係許太嘅佢，當時冒着輻射危機，同老公去日本 shopping。全程雖然繑到實，但大美人臉上全無半點笑容，一對金童玉女仲不約而同多咗個小肚腩㖭。
人哋話十年人事幾番新，時代進步，三年，原來已經可以走晒樣。
檔案編號:第 674期
日期:2008年 6月 27日
性感有情趣
小情侶身在外地，但多數留喺酒店依偎，男嘅只着內褲浴袍，女嘅性感背心，鬼咁有情趣。
零笑容行街
大美人生完小 JM後，即跟亨亨起程到日本血拼。全程大美人無乜笑容，塞住耳仔聽音樂都冇乜講嘢。夫婦雖然有少少貌合神離，但不約而同多咗個小肚腩，相當有夫婦相。
檔案編號:第 827期
日期:2011年 6月 3日
難得攬一攬
全站熱搜
留言列表
{{ article.title }}
