張崇基和太太擁着囝囝入懷，夫婦有子萬事足。

現年42歲的歌手張崇基上周一升呢為人父，圈外太太 Mable為他剖腹產下5磅半龍仔 Kristopher，小寶寶是父母混合體。新秀出身的崇基表示早已用音樂胎教囝囝，日後亦會用音樂栽培兒子成長，讓囝囝更有節奏感。

歌手張崇基被胞弟張崇德爬頭結婚生子，去年崇基和圈外太太 Mable急起直追，上周一便升呢做了龍爸媽，初生囝囝重5磅半，精靈活潑，取名 Kristopher，崇基指中文名未改，有意用翹字，由於筆劃多，所以兒子要乖乖避免被老師罰抄。雖然崇基希望再生 BB，但現階段要湊好囝囝才敢再造人。崇德和太太劉美娟則帶子女到醫院探望。

張崇基為囝囝英文取名 Kristopher，他像爸爸一樣愛玩水。

張崇基升呢為人父，胞弟張崇德一家到賀。

張崇基表示親陪太太入產房，直擊囝囝出世情況。　資料圖片

家有孖寶協助

崇基指照顧太太十月懷胎到進產房直擊兒子出世，過程很快，他昨日在電話中說：「真係好似眨吓眼，屋企就多咗個新成員，咁啱太太睇開嘅醫生突然有病，佢剖腹時要轉個新醫生，我喺產房先第一次見，大家冇乜溝通。」但見到囝囝出世都非常感動， Kristopher的五官精緻，眼仔睩睩如媽咪，但笑容則像熱愛滑水的爹哋，充滿陽光味。
有照顧一對姪仔姪女經驗的崇基，這次實戰湊 BB時，就沒有出現蝦碌情況，他說：「好彩我媽咪同岳母都幫手，呢啲時候真係家有一老，如有一寶，有兩位老人家協助湊 BB，我哋就輕鬆啲。」崇基不敢對囝囝有太大期望，只求他可健康成長。問到還追囡囡嗎？崇基說：「家 BB太細，湊好一個先諗，照顧 BB要好多時間同心機。我始終覺得一個太孤單，好想多個伴有商有量。」

父親節倍感動

歌手出身的崇基表示會用音樂培育兒子成長，他說：「音樂係有節奏，對佢腦仔成長好有幫助，協調都會好啲。 BB喺媽咪肚，我哋就畀音樂佢聽做胎教，佢都特別手舞足蹈。」 Kristopher的出生，令崇基趕及在今年度過首次已為人父的父親節，他說：「嗰日我返咗教會，牧師仲專登同場中父親作祝禱，好感動。」
採訪：比華利