邊個係人，邊個係鬼，我心裡有數！（設計對白）
崔建邦搵經理人做醜人，未有現身撐陳志雲！
今年三月空降商台做行政總裁嘅陳志雲，得俞琤開綠燈，任由佢招兵買馬再做埋刀手清瘀血，先清洗一台，台長黃永要封咪，決定遞信炒老闆魷魚，仲有車婉婉林曉峰雙雙祭旗。
星期一（六月十八日）商台《你和我和時代挑戰》特備直播節目啟動禮記者會，順便公布一台節目新調動，陳志雲誓神劈願話冇炒人，只係節目更新，強調變新不變心，不過同一時間，林曉峰响尖沙咀為老友鄭伊健演唱會記者會擔任司儀，承認六月四日收到商台大信封，做埋今個月就失業。
唔認炒人，陳志雲更加唔認搵自己友入商台，活動當日，兩大「迷雲黨」中堅鄧健泓、王喜都有現身撐場，唯獨唔見崔建邦。
聽講已經由PA仔轉番無綫經理人約嘅崔建邦，原本一口答應嚟撐場，點知轉個頭經理人代傳話say no，反而同樣係無綫人嘅鄧健泓，專登响記者會開始前到一到，而當年話要賣樓幫陳志雲打官司嘅王喜，就擺明車馬做嘉賓，仲公開撈話要入商台做DJ。講到尾，人走茶涼，崔建邦做出面！
陳志雲出手搵蘇施黃回巢，聽聞原本「迷雲黨」嘅王喜都有份，但佢又唔想困身，是日純粹支持老友嘅，仲有早到又早走嘅鄧健泓。
陳志雲吹雞開記者會，唔同界別都有人支持，包括（前排左二起）梁詠琪、黎耀祥、許志安、田北俊以及企後排嘅周梁淑怡。 ####
一台大清洗，林曉峰中「獎」，有傳二台亦準備開刀，雲妮同謝茜嘉雙雙被金榜提名。
全站熱搜
留言列表
{{ article.title }}
