多謝俾面！（設計對白）客氣客氣！（設計對白）為咗爭取同偶像周潤發合作，吳鎮宇企硬要TVB就期，堅！
因為王晶，兩代許文強周潤發、黃曉明終於合作。上星期五（六月十五日），新片《大上海》喺上海勝強影視基地做記者會，發哥同海綿蛋糕同場以長衫造型見人。


人比人，貨比貨，立竿見影。黃曉明聲稱電影造型關係，專登冚咗個假髮，扮同發哥一樣夠本錢（頭髮），可惜效果麻麻，加上頸幼人瘦，長衫之下，毫無台型。見到神級周潤發，黃曉明又讚又當眾跪低話要拜神仙發為師，奇招搶鏡。娛圈人要識做，本來無可厚非，但over咗，就會變得難睇。八珍小建議，請黃曉明向同樣視周潤發為偶像嘅吳鎮宇學習。據吳鎮宇所講，當初考無綫訓練班，係因為周潤發，到自己有機會拍劇，發哥已經離開無綫出去拍電影；之後鎮宇有人搵拍戲，點知發哥又飛咗去荷李活。為咗一圓同周潤發合作心願，吳鎮宇寧願得失大台，無綫傾佢返去拍《衝上雲霄II》，OK！但啱啱同王晶呢部《大上海》撞期，無綫唔等得，就拉倒！結果，無綫要將整個開劇計劃押後幾個月。尊重又好，識做又好，係要真心嘅！


當日冇通告嘅周潤發，專程返片場出席記者會，同片黃曉明、吳鎮宇坐人力車到場，發哥則坐古董車，寧舍唔同。 ####


上星期六（十六日），發哥發嫂現身第十五屆上海電影節開幕禮，壓軸出場，為新片《大上海》造勢。


「膠人」大行其道，國內代表廿一歲童菲、三十四歲黃曉明，係咪美女俊男，八珍唔評論，只知道五十七歲周潤發同五十歲吳鎮宇，樣同身形都狀態十足。


黃曉明當眾跪低話要向發哥學做人學做戲，唔！八珍記得，當年閣下拍《葉問2》，都有拜宇宙最好打甄子丹為師，集齊兩大師傅，文武全才，邊個夠你玩。


見完記者，一眾演員散水，發哥有專人打傘同幫手挽起長衫尾。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄