錄叫床聲
早在○八年，樂仔與當時只有十九歲的LuLu合作電影《第一誡》時認識，雖然雙方只有一場對手戲，但樂仔仍然把握機會，主動交換電話號碼，年多前開始互傳短訊暗交。交談間樂仔得知對方廚藝了得，即打蛇隨棍上，要求上香閨試菜。
「佢次次約親我都話要上我屋企，仲叫我煮定薯仔炆雞等佢，但我同屋企人一齊住，梗係唔方便啦！呢件事之後，爸爸都叫我以後要帶眼識人。」LuLu說。
肯自動送上門都無得食，樂仔退而求其次，要求LuLu錄下叫床呻吟聲傳給他，自己再配合「打飛機」、「睇四仔」真人發聲雙管齊下，滿足慾望。
「男人打飛機呢啲嘢其實好平常！佢晚晚都咁同我講，但我冇求證過佢有冇咁做，因為通常佢一講啲過咗我底線嘅嘢，我會即刻stop佢。佢仲試過send SMS俾我，叫我喺voice mail錄啲聲俾佢聽！（錄啲咩聲？）都係嗰啲聲啦！（呻吟聲？）係啩！佢半夜三更睇完嗰啲戲，想聽都唔奇。」
打孖上
除咗用文字、聲音交流，二人亦不時交換「生活照」，樂仔在沖涼時拍下自己一對「飛毛腿」傳給對方，LuLu亦相當識做，以疑似半裸的床照回禮，但只露出一小截深長事業線，相當「吊癮」，難怪令樂仔有無窮幻想。 LuLu短訊密密送，但樂仔卻一心二用，被發現夜會另一模Ceci。LuLu知道後即寸爆，「佢一年入面都唔知同幾多個女仔send呢啲SMS啦！」上週六（十六日），LuLu與Ceci同時現身中環一間餐廳開幕，二人於○八年合作《我要做模》時一度成為好姊妹，如今已變成情敵，當晚二人碰面更加面左左，全程零交流。被樂仔指責假扮其朋友相約外出，Ceci悔氣表示：「相就影咗，如果咁樣對件事好啲，我唯有配合佢答案，我都唔識佢。（佢有冇同你send SMS?）你哋問番佢啦，佢係大明星，拍咁多戲，演技又咁好！（你究竟識唔識余文樂？）如果一個人唔識你，但又約你出街，咁佢都好狼啫！」
有前科
拍過三級獨立電影《明媚時光》的LuLu，在戲中有大膽露點、口交場面，但未有令她一脫成名，反而09年被指介入謝天華婚姻，終於上封面的LuLu，大爆謝天華愛在夜場溝女，借玩魔術為名，向她灌酒及乘機摸手仔，同日，謝太Tina傳出自殺入院。自LuLu與余文樂的情慾短訊流出後，謝天華即借機在微博反擊：「不要為了『出名』就隨便破壞別人的聲譽。請王小姐謹記，慎言！謝天華敬上！」
以後會小心
本週一（六月十八日），余文樂出席孭飛電影《車手》首映，被記者揶揄為「機機樂」，他表現無奈。「我之前要講都講咗啦！（最新版本話你牛唔飲水唔㩒得牛頭低？）講咩都冇所謂，我都唔識呢兩個女仔。（咁你有冇話俾人聽你機機？）算啦，唔講。我以後會更加小心，總之唔識嘅電話一定唔覆，就算話你係我阿媽都唔會覆。（驚唔驚有其他相會放出嚟？）唔驚，一定唔會發生。」
最緊要好玩
靚仔男星，大把女送上門，唔愁冇得「食」，但個別男星有特殊癖好，玩另類求快感，從不考慮後果。
網上晒蕉 陳冠希
03年陳冠希被踢爆於Friendster交友網站溝女，更與女網友透過webcam玩cyber sex，陳冠希疑似將自己呈現興奮狀態的性器官特寫照片，傳俾女網友欣賞。
剝衫調情 羅志祥
小豬（羅志祥）在網上認識港女Fanny，兩人不停用MSN同SMS通訊，小豬更在webcam前除去上身衫同Fanny隔空調情。 ####
LuLu指與樂仔不時交換「生活照」，但相片全是袒胸見事業線。
余文樂與LuLu短訊暗交一年多，樂仔沖涼時拍下「毛腳」照，挑逗LuLu。
樂仔上週到上海出席電影節期間，LuLu在微博留言：「到沙灘玩水也想起你」，又相約他回來一起再去。
樂仔與千嬅主演的《志明與春嬌》大收旺場，LuLu買碟煲完再煲。
一向肯搏的LuLu除咗拍過三級片，早前又被指介入謝天華與Tina的婚姻，是非多多。
樂仔與LuLu○八年拍攝電影《第一誡》認識，當時LuLu只客串一場戲，但仍被樂仔睇中交換電話。
曾經是好姊妹的LuLu同Ceci，因同時與余文樂傳出緋聞而反目，上週六（十六日），二人在活動中碰頭，全程零交流，互不瞅睬。
情慾短訊流出後，樂仔即時改電話，並與LuLu劃清界線。本週一（十八日）LuLu獨自到蘭桂坊獵食，其間不停有老外向她搭訕，LuLu更被醉酒佬捉實抽水。
留言列表
{{ article.title }}
