要數史上最成功的o靚模，Angelababy（楊穎）絕對當之無愧，Baby冇身材冇身高，單憑一副可愛的面孔，由賣性感拍寫真集，短短四年間，變成電影第一女主角，升價百倍。最近，她更發展生意，開完修甲店開餐廳，相比同期死敵，依然浮浮沉沉的Janice Man，演藝成就拋離幾個馬位。

據知，Baby能夠火速上位，除了本身實力及所屬公司策略了得之外，原來外表新潮的她，竟然一直在長沙灣找一位隱世玄學高人改運相助，幫她逢凶化吉，大展拳腳。本刊明查暗訪下，找到該玄學家所在之處，並放蛇追訪。

曾景城師傅為記者批命，就算欠缺記者的八字，他也可以推算得甚為準確，之後為記者撰寫了一本《皇極易數》批命書（左圖），贈給記者作為參考。

在《皇極易數》中，曾師傅批算了記者一生的命運，當中包括：旺與忌的人和物，適合做何種職業，如何有姻緣等等。

全無阻滯

現年二十二歲的Angelababy（楊穎），十五歲入行，但正式做o靚模拍寫真，卻是在四年前開始；至於，做電影演員，更是由前年《全城熱戀》才正式起動，但因《全》片於內地勁收四億票房，令她頓時成為電影界搶手貨，火速成為一線女星。今年Baby就有五部電影排住隊上映，發展出奇順利；另外，她又大搞生意，除了年前經營美甲店之外，上年還投資開餐廳「Baby Cafe」，一年之內更連開三間分店，運勢如有神助，順利到不得了。

有密友透露，原來Baby未紅前，就已經常常光顧玄學家曾景城，經曾師傅提點迷津後，她的演藝事業立即順風順水，全無阻滯，密友爆料：「Baby幾年前搵曾師傅睇鐵板神算，之後再睇埋風水，幕前發展突然標青咗好多，跟住Baby就成日搵師傅，一有咩唔掂諗唔通，就會請師傅指點，信到佢十足！Baby之前同William（陳偉霆）拍拖，亦有拉埋佢去睇，睇完之後Willaim又真係紅咗好多。不過，William好似唔多信，所以後來都冇去睇。」