A.丁子高 B.劉德華 C.MC Jin
圈中新手爸爸被問及怕唔怕太太生B壓力大， 會有產後抑鬱？無喎， 佢有產後興奮多啲喎！咦，「產後興奮」呢個新詞，媽咪姐都係第一次聽， 咁就good啦！其實生B真係開心事， 又有個好老公陪住， 試問有邊個女人會唔happy先？


嗱，咪話媽咪姐唔醒大家，呢期真係超易估！吓？你仲唔知呢番話係邊個講？偷偷哋望吓頁尾啦。


傳聞鄭伊健同蒙嘉慧明年一月結婚，記者循例又問男方舊愛梁詠琪回應，佢笑住答：如果係真， 會恭喜佢，都傳咗好耐， 希望快啲成事。媽咪姐知終於嫁咗嘅GiGi依家好幸福，但唔知點解，嗰句「都傳咗好耐」，聽落硬係有啲嘢囉！


「千億新抱」徐子淇被問到兩個囡囡會唔會攞佢啲名牌手袋嚟玩，自爆煩惱：佢哋性格似Tomboy，大嗰個（李晞彤）鍾意英雄人物， 感染細女（李晞兒）都鍾意。不過，女唔係好擔心，如果囝囝鍾意女仔嘢就擔心！又係呀，你睇「大攝影家」富公子劉定成搞成咁，又真係唔到李太唔擔心嘅！


應采兒孖住老公陳小春出席好友公司晚宴，被追問「造人」問題，佢直我都想，點解未有，好嬲！一個月先見一日，若果我去探班，全世界都知我哋做乜，喺壓力下反而冇。其實，你唔係小三， 你老公又唔係偷情， 全世界知你哋做乜又點？放鬆啲啦！小春嫂。


答案：A男星 ####


 


 



 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄