有我「偵神」在，冇案破唔到。（設計對白）阿部寬飾演嘅超級刑警加賀恭一郎，脾氣雖然有啲怪，但對案件精密分析，媲美福爾摩斯。
來路貨 日本推理大師東野圭吾嘅「加賀恭一郎系列」中嘅《麒麟之翼》，原著舊年先推出，但今年年頭已拍成電影版《神探加賀﹕麒麟之翼》，即係話小說喺創作嘅同時已籌備開拍電影。飾演東野筆下沉默寡言、神出鬼沒嘅破案高手加賀恭一郎嘅，係有「日本熟男」稱號嘅阿部寬。事實上阿部寬高大威猛，談情又得，搞笑又掂，好使好用，最緊要係觀眾緣好，所以甚得製片人歡心。今次佢演繹神探，撇除演技，單係外形，就跟原著主角非常切合，所以論形象，佢比頭腦精密嘅湯川學更具「偵神」風範及神采。
死者的疑惑
講番電影，《神探加賀：麒麟之翼》幾乎係日劇原有班底，除咗黑木梅紗因為玩大肚閃婚被燉為客串，今次加入有「日本周潤發」之稱、演技派中井貴一，而新紮姐仔新垣結衣就升呢為主角。故事開始，金屬工廠部長青柳武明（中井貴一飾）腹部受刀傷死喺麒麟像下，加賀對死者受重傷仍堅持步行8分鐘到麒麟像下感到不可思議。而調查過程中，被警察追捕嘅疑犯八島冬樹（三浦貴大飾）遇車禍昏迷。而嫌疑犯嘅女友中原香織（新垣結衣飾）就堅稱八島係無辜，從而發現一個意想不到嘅驚悚謎團。被譽為「偵神」嘅加賀就要展開解謎之旅，過程比《心戰》更懸疑、更複雜。 ####
事件因中井貴一飾演嘅青柳武明被殺，伏屍於麒麟像下，因而揭發一段父子間不為人知嘅秘密。
飾演疑犯八島冬樹嘅三浦貴大（前），乃係山口百惠同三浦友和嘅第二仔。
全站熱搜
留言列表
{{ article.title }}
