唔靠佢都搵到食
父親柯受良生前的生活的確日夜顛倒，試過因為拍一套電影而離家數月，為了一場特技表演練到遍體鱗傷。這些畫面，柯有倫當時也看在眼內， 但也無減退自己入行的決心，更不惜輟學，「我讀到大學二年級就唔讀，反正我覺得喺大學讀電影理論，不如實際去做好過喇！」不過回到現實層面，並非如他所想像的容易，「我離開屋企，夾過band，幫朋友做dancer，仲試過打俾老爸啲朋友做武指、做茄喱啡，總之入到娛樂圈就得。我要證明俾老爸睇，我唔靠佢都可以搵到食，嗰時乜都做，人工多少都唔緊要，有時冇錢都做，淨係想有一個表演機會。」
想得到老爸認同
不過即使柯有倫牙關咬得再緊，父親從無稱讚半句，「老爸始終想我返去學校讀書。佢成日話我未夠班，嗰陣我聽到好反感好嬲。」兩父子為此經常嘈交，彼此愈走愈遠，「我係打死唔認錯嗰種人，我都係想得到老爸認同。」柯受良03年因哮喘病發在上海逝世，柯有倫當時的事業才起步，剛簽了唱片公司轉型做歌手。不過令他名成利就的， 是最近上映，講述台灣原居民真人真事的《陣頭》。電影在當地大收3億新台幣，柯有倫更被封為「億萬男主角」，連周杰倫也湊熱鬧找他拍戲，「電影講父子情，戲中嘅我鍾意玩音樂，唔行老爸要我行嘅路。一路拍呢套戲，先知道老爸嗰時唔係睇唔起我係擔心我，驚我俾人批評受唔住打擊。咁多年嚟，我有好多嘢想同老爸講，但始終冇講出口，真係好遺憾，但喺戲中我終於講咗！」「爸，我做到了！好遺憾你睇唔到！」兒子終於在電影闖出一片天，在天國的柯受良應該無憾矣！
《陣頭》台灣收3億
《陣頭》是一部根據台灣傳統文化真人真事改編而成的電影，在台灣上映時大收3.17億新台幣，被稱為台灣2012年最hit最賣座電影，並且獲今年台北電影節「最佳電影獎」提名。 ####
86年，當時五歲的柯有倫（左）做過童星，拍住許冠傑做《衞斯理傳奇》。
柯受良和妻子宋麗華，寄望大仔柯有倫（左二）可以照顧到家中的弟妹。
縱然柯受良極度反對阿仔入行，但他00年也帶過柯有倫來港尋求工作機會。《蘋果日報》圖片
父親03年逝世，眾人喪禮上淚如泉湧，柯有倫對此依然歷歷在目。
父親飛越長城而成名，柯有倫也擅長玩電單車，兩父子一脈相承。《壹週刊》圖片
《陣頭》周日在香港搞首映，張學友和曾志偉等人俾面柯受良來撐場，令柯有倫感動到喊。《蘋果日報》圖片
留言列表
{{ article.title }}
