手機，係現代人出街必備之物，媽咪姐今期「小特搜」就請嚟元老級女神周慧敏同王馨平，將佢哋呢個貼身恩物俾大家欣賞吓。雖然囝囝「周慧豹」上年返咗天國，不過玉女敏個手機芒同殼，都係豹不離身，就知周慧敏仲係好掛住囝囝啦！順帶一提，雖然蘋果呢排俾銀河系打到氣咳，不過媽咪姐問十個星，十個都仲係咬緊蘋果，又估唔到佢哋咁念舊喎！


周慧敏 化蝶阿豹


係人都知玉女敏視「周慧豹」如親子看待。舊年阿豹過身，Vivian傷心欲絕，佢個電話無論case定wallpaper，都有阿豹蹤影。「個case係基仔（古巨基）幫我設計，豹紋代表阿豹，佢話阿豹化身蝴蝶日日陪住我。基仔好有心思！」



林翠王羽


王馨平 掛住老竇


王馨平成日留港工作，甚少見住喺台灣嘅父親，所以佢電話嘅wallpaper都係佢同父母一家三口嘅陳年舊照。「其實人大咗，特別懷念細個時發生嘅一切，你睇爸爸以前好型仔㗎！」話晒獨臂刀王羽大俠喎，媽咪姐梗知啦！



麥玲玲 觀音護體
玲玲師傅係玄學家，所以佢手電嘅wallpaper當然同風水有關。有呢個千手觀音傍身，牛鬼蛇神速速閃開。


古巨基 最佳宣傳
基仔為老友周慧敏咁有心設計電話殼，鍾意畫公仔嘅佢，wallpaper又點會唔係自己傑作呢！「呢個公仔叫做O！Cool！係幫Giordano嚟緊7月推出嘅product系列宣傳。」順勢賣埋廣告！高招！


羅敏莊 超聲波傍身


懷胎4個月嘅羅敏莊，第一次做媽咪梗係緊張啲，雖然BB有排未出世，不過佢就用BB超聲波做wallpaper，可以日日對住。「呢個係BB第一個月時照嘅，不過可能太細粒啦，仲未照到有冇『咕咕』呀。」 ####


 


 


 


 


 


 



 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄