四年先得一次嘅歐國盃2012，喺上個禮拜五(8日)開鑼喇！話晒係盛事，就算平時唔睇開波嘅媽咪姐，都要湊吓熱鬧捧吓場，不過睇波係配菜，靚仔球員至啱媽咪姐胃口囉！至於圈中一班die hard球迷藝人，當然唔同媽咪姐咁樣純粹娛樂啦！佢哋個個都進入廢寢忘餐追波日子。好似羅家英，食住老婆Liza姐整嘅米線，邊捱眼瞓邊睇波。不過有老婆大人喺側邊侍候，冇得瞓都溫馨過人。

羅家英 溫馨米線荷蘭VS丹麥
係人都知家英哥熱愛足球，四年一度嘅盛事，豈能錯過！難得係，習慣早睡早起嘅Liza姐都願意奉陪齊齊捱眼瞓，仲出動米線侍候夫君㖭，好sweet囉！

Liza姐 中場發相荷蘭VS丹麥
捨命陪老公嘅Liza姐，見中場休息，即刻發張下晝拍嘅新劇《巴不得媽媽》外景相同大家分享吓，阿姐又幾識運用時間噃！

李克勤 病住睇英格蘭VS法國
自出娘胎已經流住英格蘭血嘅李克勤，呢幾日幫now做歐國盃主持，點知佢同隊友黃日華一樣，做咁耐病足咁耐，好彩英、法最后1:1握手言和，如果英格蘭輸波，克勤睇怕病多幾錢重。

王菀之 變節中女波蘭VS希臘
唔好以為男人先識睇波，圈中都好多女球迷㗎！好似王菀之咁，唔聲唔聲，追足幾晚通宵。不過佢追靚仔多過追球技，當波蘭龍門被紅牌逐離場，佢仲想變節捧希臘，都話女人係善變啦。

純粹睇仔曾華倩 熱捧意仔西班牙VS意大利
曾華倩同王菀之一樣，目標清晰。講明捧意大利係貪靚仔，識唔識睇波？Who care？

球迷口吻
李珊珊 專業烈女
波蘭VS希臘
足球、籃球、賽車乜都好嘅李珊珊，只係簡單幾句，就知佢波齡有幾長，比起其他姐姐仔，professional得多。 ####


 



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄