我係冼師傅，你要識！﹙設計對白﹚今年55歲嘅冼師傅，體形依然fit到爆，唔差過後面啲後生仔，難怪咁多人跟佢練武狂操。
上個禮拜，媽咪姐趁天朗氣清就去陽明山莊附近跑步，咁啱撞到早排同鄭嘉穎傳不和嘅「大聖劈掛門」師傅冼灝英帶住幾個後生仔跑步練氣，佢哋跑到攰攰哋就走咗入油站士多買汽水解渴。不過休息咗唔夠5分鐘，冼師傅又一馬當先，帶住班細嘅繼續跑過！其實學媽咪姐話齋，習武之人練好身體之餘，最緊要練好氣量，唔好因為啲後輩令自己激氣。話晒，冼師傅依家埋咗王維基堆，人工跳幾倍，大把世界啦！


大家以為冼師傅會揀「保礦力」去補充體力，錯啦！佢係飲可樂嘅，都話有料就咩都得㗎啦！


拍《拳王》時，冼師傅話鄭嘉穎態度差，鄭生反話佢啲泰拳唔正宗。但同劇嘅黃浩然就好尊敬冼灝英，仲有跟操。


我真係有眼不識泰山！﹙設計對白﹚

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄