上海獨家先煙熏鄭嘉穎狠狠地扯一啖煙，好有強國人feel，真係成功融入大中華喎！
周二（12日）TVB高層樂易玲帶住一班有份演《金枝慾孽貳》嘅藝員北上出席上海電視節。點知就俾人話今集卡士弱過上集好多，心情就梗係差啲啦！好在鄭嘉穎咁啱都同場，之但係佢唔係代表TVB，而係為一套大陸劇《萬水千山風雨情》做宣傳。哦……都無所謂嘅，最重要嘅係，佢哋兩個分別做完嘢之後，特登約埋去酒店飲個tea。


依家轉賺人仔，好日都唔願返TVB拍劇嘅鄭生好識做呀！一面扯煙，一面諗計番樂小姐。嘩！人哋真係出盡力咁笑到現晒魚尾紋，放足電㗎。咁女方受唔受呢？唔知喎，媽咪姐淨係見佢飲飲吓橙汁，就攞鄭嘉穎包煙嚟扯咗支！好有默契㗎。不過下次鄭生應該叫埋佘詩曼嘛，反正阿佘都喺上海做緊大陸劇宣傳，大家又咁熟，兩女一男啫，你身經百戰，應付到嘅！ ####


咁開心！做乜唔預我呀？（設計對白）


後放電見樂小姐悶悶不樂，鄭生即刻出招，嘩！呢個笑容，唔講仲以為佢對面嘅係佘詩曼㖭。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄