千嬅返家後，馬上化個淡妝，與丁子高和Torres影合照廣發傳媒。雖然穿上鬆身衫，但千嬅腰部依然圓潤，但她一臉幸福，已經足夠。
7.6磅巨丁Torres上周二出世，千嬅唞足四日先出院。傳媒重重包圍，丁子高施聲東擊西之計，在醫院門前接受訪問，讓千嬅帶埋Torres從醫院後門溜走。本刊獨家拍得當日兩母子出院照片。雖然千嬅以口罩遮面，但產後的她面頰下巴明顯鬆弛。
母子平安返家，為Torres得到全天候的照顧，千嬅請陪月員亦零舍多要求，除要求簽三個月合約，更向陪月列出五大規條。這位新紮媽咪認真緊張！
陪月五大規條：
1.日踩十二小時
2.禁使用手機，驚輻射
3.不准影相
4.入屋後要全身消毒
5.抱B前再消毒
陪月員月薪四萬
千嬅要唞，理所當然，所以照顧她和Torres兩母子起居飲食的責任， 就落在陪月員身上。一般陪月員的開工時間都是前二後四， 即產前兩星期為孕婦做好入院準備， 產後四星期則為母親減輕工作量。不過千嬅十分緊張，懷孕初期便四出物色頂尖陪月員， 更要陪月員在她預產期前一個月開工，一路踩足三個月等千嬅坐月坐兩個月後，陪月員才可功成身退。知情人士說：「千嬅呢個陪月員係佢一個識咗廿年嘅舊同學介紹，個名叫Jackquine，唔少名人都搵過佢湊細路，做嘢細心，經驗豐富，喺行內都好出名。」千嬅非常疏爽，開出月薪四萬聘請這名陪月員，但在合約上列出五大規條，要陪月員嚴守。「因為依家流感高危，陪月員入屋及抱Torres前，一定要全身噴消毒藥水。千嬅好擔心自己嘅相外洩，所以唔俾任何人影相。至於陪月員要用手機，為免輻射影響BB，就要同Torres保持距離。另外，千嬅希望多啲時間休息，要求陪月員每日做多幾個鐘，餵多次奶俾Torres飲先可以走。」知情人士說。
獨家出院look
上周六（9日）晚上六時， 千嬅、兩名助手和陪月員（粉紅衣者）齊齊登上一部七人座駕，由港安醫院後門離開。記者發現陪月員身上戴上孭帶，估計Torres當時由她抱住。
積極籌備十二朝
千嬅是潮州人，對傳統習俗十分講究，所以她現時已和陪月員積極籌備「十二朝」。根據中國傳統，BB要待出世十二天後，才可接受各方祝賀和親身探望。「禮拜日（23日）係Torres嘅十二朝， 有啲親朋戚友會上千嬅屋企探佢同Torres。千嬅擔心自己體力應付唔到，不過佢就堅持喺嗰日會用碌柚葉洗臊味，仲幫Torres削髮，所有步驟都唔少得。」千嬅坐月大晒，工作唔押後唔得。經理人陳小姐說：「好多嘢未定。預計年底復工啦！第一個Job應該拍廣告。不過千嬅真係好多謝咁多朋友送禮物俾佢，同感激客戶咁遷就佢！」
星級陪月員
早前有報告指一般陪月員的薪酬已飆升11%，所以貼身照顧藝人金叵羅的陪月員，亦貴絕全城。
劉德華
初為人父的劉德華，緊張到極。除了安排老婆朱麗倩入住養和醫院頂級豪華套房，他聘用的陪月員，亦是全城最top。該陪月員月薪8萬，服侍過黎姿孖女，行內屬數一數二。
陳慧琳
陳慧琳高薪3萬5聘請昔日「蝦餃仔」的星級陪月員照顧細仔「小龍包」。該陪月員有十多年經驗，當年湊到「蝦餃仔」肥肥白白。Kelly坐月後，更跟她多續一年約，聘她任保母。
李嘉欣
許晉亨請來4位星級陪月，日夜輪班24小時貼身照顧李嘉欣及小JM。當時他更即場考陪月員餵奶、換片、掃風、沖涼和抱BB等，並要對方簽下保密協議書。
狂收禮物
丁家添丁，全城祝賀，所以丁子高和千嬅這段期間不時收到禮物，的確慳唔少。
舊老闆送衫
已榮升做宣傳公司老闆的丁子高，「IPS傳藝公關」舊老闆Peter黃就十分識做，送了一套Hermes BB衫連鞋仔俾丁子高。這套BB衫售價近四千，更是限量版。
Kelly送BB牀
陳慧琳送上共過萬蚊的BB牀和其他傢俬俾千嬅。這張BB牀是丹麥名牌「 Leander」，特色是設計靈活，可變身成小童牀。
同學送BB車
千嬅和一班舊同學的感情要好，所以她幾位同學就送了這部星級摺疊式BB車。這部荷蘭進口的BB車可隨時變成搖籃，簡單易用。 ####
得意明星相
戴上小帽和包住毛巾的Torres，側身瞓在BB牀上，非常得意。
下巴鬆弛千嬅一見鏡頭即時擰歪面， 不過她面部肌肉明顯鬆弛，下巴跌到落頸。
老公前門交代老婆兒子醫院後門離開， 丁子高則在醫院正門向傳媒宣布千嬅已經出院，令希望拍到千嬅的傳媒大感失望。
成車禮物最後丁子高登上七人車離開，工作人員就幫他將BB禮物放上車尾箱。
留言列表
{{ article.title }}
