揸籮扮波鄧愛嘉叫兩位老友拎竹帽放在胸前，借位扮半裸，呢招揸竹籮扮波又幾過癮。
Blog Blog趣 老爸鄧永鏘跟英國皇室關係友好，交際圓滑說話風趣抵死，在時裝雜誌做攝影師的女兒鄧愛嘉，多少遺傳了老父特質，性格開朗又玩得，經常約埋老友出外遊埠歎世界，夏天熱辣辣最啱陽光海灘，一於著住比堅尼開個Beach party玩㷫佢！
頂下體
鄧愛嘉（Victoria）係竹昇妹，衣著打扮傾向open又playful，廿七歲的她個性雖不至大癲大廢，但亦好玩不造作。旅行固然要play hard，同成班鬼仔更加無顧忌玩得特別癲，鍾意影相的Victoria尤其識得玩「視覺效果」，如用竹帽遮上身扮nude，跟鬼仔用竹帽互頂下體；夜晚著靚靚在沙灘開餐，玩到high high地夾大髀扮春光乍洩，總之少少鹹多多趣；同場加映鄧愛嘉細佬鄧裕鏗攬仔跳舞，搞笑蓋過香艷。
唔影裸照
肢體語言夠誇張，鄧愛嘉表情亦好豐富，每次同朋友影相總會整古做怪務求搶鏡。幸而Victoria未諗過自拍裸照，「有咁多人俾我影，使乜影自己。」鄧永鏘為人亦開放，其子鄧裕鏗曾將與名模Kate Moss攬腰合照，和多款沉醉溫柔香的艷照放上網，鄧永鏘只閒閒的話︰「個仔都超過廿一歲，呢啲係佢自己嘅事！」。 ####
紮馬谷奶晒事業線不是女人專利，瘦猛猛的Victoria細佬鄧裕鏗（左），出盡力去谷，終露出小乳球。
𡃁仔嘢？（設計對白）鄧愛嘉著上迷你裙，一邊屹籮、夾緊兩腿，口擘擘扮驚訝，交足表情。
全站熱搜
留言列表
{{ article.title }}
