是非男女 五十二歲、主持電台節目三十年的洪朝豐，去年八月加盟鄭經翰的香港數碼廣播電台（DBC），上週五，洪朝豐正式和做了九個月的電台說再見，從此封咪轉做歌手，目標打入國際市場。他更買來iPhone，要不停在微博及facebook上載動向，搏得到全世界關注，又自資出碟，參加《中國達人秀》。他坐言起行，「聲音係我最大天賦，我要發揮至極致，我用三十年做DJ，我不介意用三十年追求我嘅歌唱事業，唱到八十二歲作為回報父母。」

向世界出發
最近洪朝豐見在DBC工作儲了些錢，日後鹹魚青菜已可過活，於是萌生退休念頭，即係賺落不少？「年薪係秘密。」適逢電台減薪，是否因此走人？「大班對我好好，只減咗百分之二十，有啲係減百分之六十。」幾星期前，朋友建議他不如唱歌，他即坐言起行，先自資三萬出碟做歌手。


上週五，洪朝豐封咪前，已到觀塘和結他手、鼓手、電子琴手彩排，問他出碟數量，他閒閒的說：「未知。」但就全力投入為本週錄製的Hi-Fi碟作準備。他們先來一隻funk rock版《康定情歌》的四川民歌，整個band房即時暄鬧起來，「將民族音樂加搖滾。」然後是他來一首京劇唸白的《霸王別姬》加《三國演義》，他認真得每首都要重唱五、六次，「練到我成頭大汗，我每個聲都要好協調。」最後在電子鋼琴伴奏下由洪朝豐唱《茉莉花》民歌，全碟有六首歌，他就是想以這種世界音樂殺入國際市場，「世界音樂有流行曲元素，只是多咗民族音樂及new age music。」他以朱哲琴、薩頂頂為例，「我係嗰類，佢哋以中國民歌為主，但我玩京劇、西洋歌劇，可以是中國民歌唱腔，我可以走京劇唱腔，走西洋歌劇唱腔，可以唱法文、意大利文、英文，國際性比佢哋強。」其說法貫徹他自信性格，洪朝豐更參加了《中國達人秀》，「我要一個熟中國音樂、流行歌、現代音樂的音樂人做監製，國家咁大，你一定要曝光，希望俾人發掘。」

專心唱歌
練完歌，他回家睡了兩小時。晚上六時返電台見大班，大班送他Thank you letter及一部iPhone。七時，顏聯武和一班同事餞別他。九時許，同事陸續送禮，洪朝豐感嘆道，「喺呢度無帶走咩，只帶走友誼。」黃昏時洪朝豐還淡然說：「三十年如夢似幻都煙消雲散，也不過是個虛名，望盡天涯，心，靜然。」


越接近晚上十一時正式最後主持其兩小時《洪朝豐時段》前，他的心越起波瀾。聽眾來電祝他歌聲飄萬里，令洪朝豐在節目最後十分鐘哭起來，「當時諗番以前一幕幕做DJ嘅情景，到最後你真係愛呢個行業，係好唔捨得。」咁不如又做DJ又唱歌？「始終唔夠專心，唔通你同一個重要音樂人傾傾吓話要返工。」追一個不知會否成功的夢，值得？「搏輸咗我無損失，一樣教學生唱歌，過平淡生活，身體力行去實踐夢想這分勇氣係值得作為人哋講。」 ####


 


洪朝豐九六年在台灣出過一張流行曲唱片《拾段情》，製作粗糙到連名字也印錯。


自資出碟洪朝豐練歌都非常投入，「我八二年大學畢業時已想過唱歌，後來以DJ、演員為夢。」


除了唱歌部分，他亦細心留意各種樂器的配合。


他早前買了部iPhone，離開電台時大班亦送了一部給他，將禮物賣掉？「唔得！」


封咪收皮封咪當日，大班記者往採訪。


在節目將近完結時，他忍不住落淚，「開心呢度有咁多朋友。」


洪朝豐收到同事送給他的香檳。


同事顏聯武請洪朝豐食飯，洪朝豐笑說是最後一次來電台附近這間上海小館，顏即說：「唔係，你會嚟派歌。」


五月中，鄭經翰（後排中）宣布重新開咪，記招上獲洪朝豐等一眾DJ到場造勢。（《蘋果日報》圖片）

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄