咦！呢位阿伯乜水呀！（設計諗法）
一劇接一劇嘅鍾嘉欣，近排忙於為新劇《幸福摩天輪》開工，上個禮拜五（六月一日），佢同首次擔正做男主角嘅Jason陳智燊一齊响上環拍外景，大家都喺外國大，鬼聲鬼氣分外啱key。


第一次合作已經好有默契，連待人接物態度都一樣。話說當日任達華同老婆琦琦啱啱收工路過，出名gentleman嘅華哥，送完幫佢化妝整頭嘅工作人員上的士，之後再行去劇組打招呼。話晒無綫出身，當日唔少幕後都係華哥老朋友，全部即刻停晒手走去握手敍舊，華哥亦禮貌離遠同鍾嘉欣Jason揮手say hi，不過佢兩個完全冇反應，係咁意笑吓就算。做後輩，其實理應主動上前自我介紹打招呼，之所以黃秋生唔識羅志祥係乜水，係有原因。 ####


華哥同老婆收工路過見到無綫班舊同事，行埋去第一時間先同鍾嘉欣Jason揮手，之後再同老友傾偈，但兩位後輩居然零反應，好在仲識笑！


班幕後同華哥傾到停晒手，鍾嘉欣趁得閒撥頭髮，Jason就掛住抹汗，冇諗過主動同前輩打吓交道。


上鏡最緊要靚，鍾嘉欣連過馬路都掛住照鏡，好在冇乜車咋！


細聲啲……（設計對白）阿婆唔係專業演員，唔識控制聲線，講對白大聲到隔籬街都聽到，鍾嘉欣同Jason忍唔住笑，叫阿婆講嘢細聲啲！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄