早返工早放工，喺商台做節目嘅小儀，平日最遲四點鐘就閃，約人下午茶時間過晒，又未夠鐘食晚飯，要滿足個胃，最快捷係由廣播道揸車落九龍城，坐低食又得，買外賣又得。 上星期二（二十九日），小儀四點鬆啲離開商台，先掟去福佬村道Tony Wong 間cake shop買cake，揀完買邊款之後，明顯係熟客嘅佢，同店員吹咗陣先走；跟住再行去果汁鋪，整咗杯鮮搾果汁，邊行邊飲，然後行去上車走人。據專家話，下午四點至五點呢段時間食水果，係最啱時候；食cake幫襯大師，吸收果醣亦揀啱時候，生得細粒，但對擺落肚嘅，小儀相當考究。 #### 揀完究竟食乜，小儀就同店員吹水，明顯係經常幫襯。 買完cake再去買鮮搾果汁，全部都係甜嘢。
