近排忙緊拍新劇《情越海岸線》嘅陳茵媺，開工已經唔夠瞓，仲要分身幫《心戰》做宣傳，上個星期六（二日）原定要孖住男友陳豪去將軍澳谷劇，點知前一晚响錄影廠暈低，搞到要停工休息。


星期一（四日），唞咗兩日嘅陳茵媺復工，大熱天時仲著住件大冷衫嘅豪嫂話已經好番好多：「嗰日都唔知咩事，開開吓工突然眼前一黑暈低，班工作人員即刻扶起我，其實我瞓咗兩日已經好番好多，雖然我係鬼妹，不過都有睇中醫，都係疲勞過度啫，唔使body check咁嚴重。」
女友捱到冧廠，遲吓要上橫店拍《金枝慾孽貳》嘅陳豪，唔擔心就假！「咁都有好多人關心我嘅！」我信！想取代陳豪做閣下男友嘅肯定大有人在，快啲做陳師奶啦！ ####


瞓足兩日兩夜，陳茵媺終於開工，仲發微博叫大家唔使擔心，但佢件又大又厚嘅冷衫，有啲得人驚。


上個星期六陳豪帶埋媽咪一齊宣傳《心戰》，可惜未來新抱仔病咗冇到。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄