呵！「禾」係最「近」㗎！（設計對白）
忽然去片 呢排啲天氣唔多好，搞到個人懨懨悶悶，好彩媽咪姐仲有《忽周》，啱啱睇咗今期八両金條片，嘩哈哈哈！真係笑到盲都識開眼，差啲將食緊嗰啖cheese cake都噴番出嚟。


係，唔少人可能覺得八両金騎呢，但人哋真係敬業樂業㗎！對住細佢一大截嘅國內女友，出盡力去唱情歌。啲音，梗係唔準啦！但有晒眼神同交流喎；佢又搏晒命去舉啞鈴，仲除衫谷肌！你話八両金啲肌同城城無得比？咁我哋夠唔係熊黛林啦。咁認真做乜？笑吓咪又一day！

Cooking版《心戰》X 丁蟹效應
人人話秋官擔正嘅《心戰》唔啱師奶睇，係咩？但我媽咪姐呢個靚太就好like呀！劇情有啲黑暗，有啲變態，咁先夠味嘛。所以今期《忽周》副刊搵黃克競工業學院烹飪導師Joe Chan示範一蟹兩味，fit晒喎。望住佢執鬚，睇佢煮「當歸蛋白蒸膏蟹」同「蟹肉班戟」，有啲錯覺以為陳豪同黃德斌嚟咗㖭，so magic！

郭藹明鬧市中的陽光
星味呢樣嘢，從來唔係話有就有。有啲人入行多年，都係keep住……無嘅！而91年港姐冠軍郭藹明呢，就一直都好似濁世中嘅清泉，星味由心而發，即使嫁咗俾劉青雲，做咗多年人妻，依然省鏡！
呢次佢只係行經中環買件白糖糕，但嗰種悠然自得嘅氣質，猶如鬧市嘅陽光，令人感覺溫暖又舒服呀。


《忽周》睇真啲正片唔好miss！ ####



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄