柯有倫玩音樂出身，周杰倫仲教過佢彈鋼琴，估唔到佢今次贏咗周董。
曾經揸電單車飛越黄河嘅「小黑」柯受良，轉眼就「走咗」9年，而佢個仔柯有倫都入行10年有多咯，只係喺台灣唱吓歌、拍吓劇，從未大紅過。不過，呢位藝人二代有套新片《陣頭》，喺農曆新年於台灣上畫，竟然以黑馬姿態打低周杰倫嘅《逆戰》，大收3億幾台幣，下個月仲會喺香港上映㖭！


呢套戲似𡃁仔版嘅《海角七號》，講台中「九天民俗技藝團」嘅真實故事。柯有倫扮離家到台北學搖滾嘅死𡃁仔，後來見做技術團團長嘅阿爸年紀開始大，又俾其他對手挑戰，所以回鄉幫手打鼓。老土？有啲㗎！但佢同戲中阿爸嗰段又笑又鬧嘅父子情， 真係做得好感人喎。柯有倫都話拍呢齣戲成日諗番起亡父「小黑」，「我同爸爸好似朋友咁， 佢去飲酒都帶埋我，話要俾我見識！」所以話，無個同自己咁close嘅爸爸，柯有倫又點會做得咁入戲吖。 ####


女主角林雨宣係「星光大道」出身，主動咀柯有倫，又幾sweet喎！


「陣頭」係民間廟會表演，有打鼓又有人偶大公仔喺度轉轉轉。


阿仔，你好嘢！（設計對白）

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄