俾你快咗一步㖭！（設計對白）古天樂極少同許志安同場出現，記者當然起哄叫合照，但睇安仔個樣，就知有幾樂意啦！
古天樂有名Mr Cool，仲出過首歌㗎（嗯，你聽完個心都應該會幾cool！）。不過，佢平時出席活動，就表現親切，仲經常出手㖭。


就上星期之嘛，古仔同許志安齊齊出席「法國五月節」活動，梗要合照啦！10年前同鄭秀文傳過緋聞嘅佢，一手就搭落人哋個膊頭度，笑住任影。而安仔呢，無話拒絕嘅，但始終雙手插袋，影咗唔夠10秒就急急腳走啫。唔驚，男人唔受，仲有大大個女性市場喺度！活動完咗，成班女粉絲排住隊等同古仔影相。佢繼續出手！個個都搭晒膊頭，仲chok靚個樣，交足貨。呢次？受晒囉，位位女粉絲都帶住冧爆嘅笑容離開，終於都賓主盡歡，功德圓滿呀！ ####


同一隻手，兩個世界。呢位女fans有古仔搭膊頭，冧到笑晒！件褸應該唔會洗。


不過，見面始終要交戲，雙手插袋傾吓偈，no problem！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄