戲中二人飾演情侶，佢兩個喺條街度拉拉扯扯，連詩雅仲突然送個波餅俾關楚耀。
近日流出連詩雅、陸永老婆、Rapper曲赤三人嘅脷疊脷慾照，搞到滿城風雨。連詩雅更於周二（5月29日）開記招交代事件：「我承認以前有去玩、有去蒲、做過好多無謂事。」並直認同曲赤拍過拖，佢雖然對慾照流出感到無奈，但表明唔會追究。


媽咪姐聽完，真係邊個都幫唔落。牛唔飲水唔㩒得牛頭低，我伸條脷出嚟啫，並不等如你要搭過嚟，而且咁多慾照風波前車可鑑，咁都要再上當？事實上，一直被指係蒲精嘅連詩雅向來豪放。好似早前拍攝《喜愛夜蒲2》外景，佢跟關楚耀當街拉拉扯扯又送波餅，表現奔放。去到中場休息，關楚耀伸手入衫周身，連詩雅竟然見怪不怪，眼定定望到實。假假哋女仔人家， 點都俾少少矜持我好嗎？ ####


關楚耀同連詩雅講講吓突然拉起件T-Shirt整理褲頭。街嚟㗎大佬。


之後關楚耀又突然伸手入衫左右超麻甩。不過連詩雅可能見慣見熟，無甚反應。


連詩雅周二（ 5月29日）開記招交代慾照事件， 其間更一度哭成淚人。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄