我都交足戲㗎！（設計對白） Laughing哥同楊怡一埋位就鬧到黑晒面，呢啲咪叫好戲囉。 上個禮拜，媽咪姐喺大坑撞到Laughing哥謝天華同楊怡拍緊《法網狙擊》。唔睇現場都唔知，Laughing哥真係好快入戲，事關佢唔使埋位嘅時候，唔係去煲煙就係同啲妹妹fans影相傾偈；至於楊怡就全程匿係車入面，兩人鏡頭後完全零交流。不過一埋位就即刻有火花，嗰場嗌交戲，兩個都鬧到面紅耳綠，呢啲咪係演技囉。 一停機，Laughing哥就趁空檔同啲妹妹fans影相傾偈，親民指數爆燈。 導演一嗌收工，楊怡即刻快閃，唔知佢係咪趕返屋企安慰吓大隻謙呢？ Laughing哥就同幕後逐個say goodbye，咁鬼nice，真係抵媽咪姐咁支持你！
