荔枝角買盅頭飯
呢間街坊小食店，一個盅頭飯都唔使廿蚊，難怪鍾舒漫唔介意同成班麻甩佬一齊幫襯。
睇開媽咪姐寫嘢嘅，應該都會發覺，中環呀銅鑼灣呀係最容易撞到明星嘅地方。但係凡事都有例外嘅，好似早前媽咪姐就喺平民區荔枝角撞到鍾舒漫（Sherman）嘞！

 
當日下晝4點幾，見佢化咗個濃妝，但就戴晒眼鏡同cap帽，喺街邊四圍望，似乎係啱啱做完嘢，打算「搵食」！果然，見佢行咗一陣，就停咗喺一間小食店門口，同成班麻甩佬一齊等買盅頭飯。嘩，tea time先有米到肚，佢都真係幾捱得！
雖然Sherman嘅紅髮好醒目，但佢笠到咁實，加上無人估到明星會嚟荔枝角，所以全程都無街坊認出佢係鍾舒漫！唉，其實明星有時同我哋咪一樣，媽咪姐記得呢位慳妹講過，平日唔敢㩒咁多錢喺身，驚見到銀包有錢會手痕。不過，佢舊年榮升業主嘞！捱出個未來。 ####

 


大熱天時，仲着住件牛仔恤衫，鍾舒漫嘅耐熱能力真係高。唔通慳得錢多，身子都會弱啲？


買完飯，Sherman同一般後生仔女一樣，鍾意入「7仔」打個轉買凍飲。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄