劉定成劉公子嗰單男版「艷照門」案咁戲劇性，媽咪姐呢期keep住追！周二 （29日）佢被裁定非禮及刑事恐嚇等三項罪名成立，即時還押荔枝角收押所，下月12日判刑。呢個消息令唔少肌男可以鬆一口氣……兩個禮拜咁多啦！最終使唔使坐監仲未知，不過法官讀判詞嘅時候就講咗句：「案情嚴重，傾向坐監！」睇嚟劉公子呢關唔易過嘞。

 


劉定成受到法律制裁，但係一眾有關男星依然唔願多講，可能怕講多錯多啦。


講番判決當日，劉公子着住白色恤衫、黑白色小背心到法庭，表現依然風騷，喺庭外走廊位「漫步」，同一眾猛男記者大講有味笑話：「菊花代表咩你哋知唔知？你話個形狀似咩吖？基佬pat pat囉！」劉公子明顯好珍惜同大班猛男記者吹水嘅時光。可惜，歡樂嘅時光過得特別快，助手好快就話：「唔玩啦！夠鐘啦！」狠狠地拉走劉公子入庭。大約一個鐘後，法庭裁定非禮及刑事恐嚇等三項罪名成立，劉公子聽判後即時癱坐喺櫈度，兩手垂低，塊面紅卜卜，仲未接受到呢個事實。最後一向高調嘅劉公子先戴上口罩，坐囚車去荔枝角收押所，準備接受「通櫃」之苦。不過媽咪姐之前聽過佢話唔怕「通櫃」，「通櫃咪通囉！冇乜嘢要準備㗎。」咁劉公子嘅心理同身體都咁open，無嘢唔得嘅。不過犯法嘅嘢，就真係唔好做嘞！

「通櫃」都有新科技？
大家都知每位被還柙人士都要被「通櫃」，即係俾戴上膠手套嘅陌生人，用手指檢查肛門，以防有人偷運違禁品入監。唔講唔知，隨着時代轉變，09年懲教署引入過德國造嘅X光機，去探測囚犯體內有無收藏違禁品。可惜呢部價值過千萬好似衣櫃嘅「通櫃機」，原來只係得個殼，試用期間，就俾一個犯人成功體藏31包毒品入監。懲教署即刻停用，恢復用人手「通櫃」。所以劉公子無緣試新科技嘞！


劉公子喺犯人欄等候判決時，本來插袋擺pose好輕鬆，到知道罪成，即刻癱低，谷到變關公。62歲嘞！保重。 ####


周一（28日）劉公子去法庭聽判，俾咁多支咪對住依然氣定神閒，但後來罪成坐囚車離開時，即刻頭耷耷，仲忽然搵咗個口罩嚟戴，高調不再。


周六（5月26日）判決前夕，劉公子有成班男記者跟住，好有心情去shopping，仲伸手去試無葉風扇㖭！


羅仲謙
唔講唔知今日判，之前有交代過，依家又喺審訊中，唔方便講啲咩。（真實回應）


翟威廉
劉定成得到判刑教訓，不過我唔會問候佢。（真實回應）


聽判前


聽判後
插圖:冼錦堂

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄