阿大「豬扒」
八両金讓記者參觀其深圳二千呎家居，公開他在國內有三位女朋友的風流生活。他彈結他唱情歌冧阿大「豬扒」時，豬扒拍晒手話：「我鍾意佢有才華！」
八両金在港人眼中勁騎呢，但他在國內竟有好多fans。上月有騙徒於微博用八両金個名行騙，短短幾日吸引近50萬強國人瀏覽，真有號召力。
自97年八両菜拋夫棄子後，八両金父兼母職，在國內登台及做成衣生意。近年他索性搬去深圳二千呎私人屋苑住，早前更帶本刊記者參觀其寓所，自豪地向記者介紹他的三位女朋友。
阿大「豬扒」身形略胖，以大婆姿態常伴八両金左右；阿二「小紅」擁有34C驕人身材，隨傳隨到；阿三「阿妹」樣貌清純，17歲青春無敵，深得寵愛。
八両金更自爆三嬌唔止共處一屋服侍他，屋內更多角度擺滿攝錄機，閒時自拍為樂。自製小電影呢個喜好，八両金勁過陳冠希喎！

 
其貌不揚的八両金（原名葉兢生），冬菇頭賣相深入民心，近年他專注北上發展，除了登台出騷外，成衣生意亦經營得不錯。當年老婆走佬，剩下他與3歲囝囝葉柏星相依為命。「八両仔」今年已經18歲，在港有自己的生活，唔再成日黐實老竇，八両金惟有自己搵節目。

租屋公私兩用
58歲的八両金在深圳羅湖區私人屋苑租了一個二千多呎單位，除了用作辦公室及存貨之用外，更成為他的藏嬌金屋。記者由深圳羅湖火車站轉的士，不用十分鐘便到達。正在家中食公仔麵當午餐的八両金，親手沖泡潮式功夫茶招呼記者。未幾一位身形略胖，穿低胸衫的女子從睡房步出，八両金隨即介紹：「呢個叫豬扒，個樣好豬扒呀呵？我都係『豬扒』『豬扒』咁叫佢！」八両金示意她坐在自己身旁：「呢個最抵得諗，最冇所謂！（邊方面？）佢唔會呷醋，幾姊妹相處好融洽。（你仲有其他女朋友？）佢哋怕醜，聽到有記者嚟走夾唔唞，不過我一陣約咗小紅（阿二）去飲茶。」八両金聲稱現時有三位女朋友，全部在深圳由朋友介紹認識。

全屋擺滿攝錄機
八両金帶記者四圍參觀，當介紹兩間睡房時，竟分享他的閨房樂，「佢哋三個瞓一間房，我就自己一間。冇我批准唔可以入我房，有需要先搵佢哋過房。（你好似皇帝咁點燈？）梗係！我有時仲會叫晒三個一齊嚟！（咁熱鬧？）我哋唔着衫一齊茗茶，傾吓偈，大家都好放鬆。」記者更發現最少有四至五部攝錄機，放在屋內多個角落，對住大牀、梳化及浴室。此時八両金竟笑笑口說：「呢啲嘢呢，係情趣，影低咗，得閒可以睇番好過癮。（可唔可以借嚟睇？）梗係唔得啦，啲片我唔會放喺屋度，唔見咗好大鑊。」其後八両金帶記者見阿二小紅。身穿黃色連身裙的她，一早在餐廳搵定位，更預先「柯打」一杯紅豆冰給八両金。小紅全靠34C上圍及細心，鎖住八両金個心。記者表示想見埋17歲的阿三阿妹真身，為八両金影張齊人相。可惜阿妹怕醜不肯現身，只能從八両金手機內的照片一睹她的風采。照片看來，阿妹的確比兩位姐姐清麗脫俗，八両金對着阿妹的照片說：「佢又白又滑，腿又長，得十七歲，仲細過我個仔呀！」在國內有錢就有女，浸在溫柔鄉的八両金一臉享受，似乎已分不清三嬌與他是講心定講金。

衣櫃藏金
出名多金飾的八両金，竟然從衣櫃抽出兩個大膠袋，裏面放滿一盒盒的金飾及足金擺設，他逐一拿出鋪在地上。記者問大約共值多少錢，他說：「都值五、六十萬㗎！」會唔會誇咗啲呀？


八両金為方便中、港兩邊走，年前以6千人民幣在深圳羅湖區雲豐花園租了個二千呎單位。他表示短期內會以400萬買入同幢一個相同單位做業主。

大廳做辦公室
大廳有約一千呎，除了是八両金的辦公室，更放滿貨物，他表示從事成衣生意多年，租屋都是商住兩用。

度劇本拍電影
八両金百足咁多爪，除了成衣生意，最近更想踩入國內電影界，他說：「我同另一位出品人籌備咗好耐喇！之前做咗市場分析又度好劇本（下圖），已經搵咗國內演員，曾志偉亦應承參演，依家度緊期。」八両金個樣好認真，唔似講笑喎！

96年一家三口
當年八両金與八両菜不理世俗眼光，愛得痴纏，點知97年女方突然走佬，八両金話已多年無聯絡。

2012年父子情未變
八両金近年北上發展，阿仔葉柏星留港讀書，兩父子感情依然好到不得了。今年的農曆新年，阿仔仲肯同老竇着父子裝去拜年，非常難得。 ####

 


阿二「小紅」
阿大「豬扒」人如其名，阿二「小紅」小家碧玉型。現場所見，三人在餐廳內有講有笑，真係相處融洽。


阿三「阿妹」
八両金三位女朋友中，17歲的阿三「阿妹」無論樣貌及身材都最出眾。因為她唔肯上鏡，記者只能在八両金的手機照片見其真面目。


攬女回春
本周一（28日），八両金來港與模Cammi（右）及 Rainbow以校服造型拍網上遊戲廣告。左擁右抱的八両金話：「我哋要扮同學，真係令我有回復青春嘅感覺。」


DV影大牀
八両金的寓所有三房兩廳，全屋多個角落擺了攝錄機，甚至對正大牀位置。（下圖）



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄