街頭拖手 5月19日晚上十時，林師傑與鄧穎芝十指緊扣出席女方生日派對，情侶關係正式曝光。
圈中姊弟戀愈來愈多，好似即將臨盆的楊千及丁子高，就是修成正果的例子。27歲的鄧穎芝，近日與細她四年，今年只得23歲的「巨聲幫」林師傑譜出姊弟戀。不過兩人正值事業搏殺期，故此拍拖四個月以來，刻意低調，最多只是晚上拍拖跑步，約出街都是三五成群，十分小心。早前，林師傑趁住女友鄧穎芝生日，大搞生日派對。一對小情人首次過生日，十分甜蜜，林師傑亦解開防線，與女友街頭拖手，之後更深夜踩上女友香閨，共度春宵。

 
踏入27歲的鄧穎芝（Vangie），去年初出騷時認識了第一屆《超級巨聲》成員林師傑。林師傑雖然比鄧穎芝細四年，不過完全冇代溝，由於兩人都是富二代，鍾意玩音樂，所以一撻即着，暗交已有四個月。

送頸鏈定情
鄧穎芝的生日是5月22日，為了討好新女友，林師傑預先搵齊大班朋友，為鄧穎芝搞生日派對。知情者透露：「兩個星期前，我哋全班friend已經收到佢電話，知佢要幫Vangie搞生日。師傑預好人數，訂埋蛋糕，又喺英國靜靜雞訂咗條頸鏈俾Vangie做生日禮物。條頸鏈Vangie想買好耐，收到當然不知幾開心，最後個party當然都係師傑埋單啦！」 5月19日晚上十時，林師傑拖住一頭橙髮的鄧穎芝，和一大班朋友現身尖沙嘴一間樓上酒吧，為壽星女慶祝生日。據當晚有份參加party的人士透露，席上鄧穎芝說話較少，只是顧住唱歌同飲酒，累了就依偎在林師傑肩膀上。玩至凌晨5時多，林師傑同腳步浮浮的鄧穎芝十指緊扣步行去攞車，男方仲揸住女友跑車，返回鄧穎芝的將軍澳寓所過夜。

母親節見家長
「Vangie不嬲都好粗豪，好大小姐脾氣，但佢同咗師傑一齊後，成個人變晒，鬼咁小鳥依人，對男性好友亦識得避忌。以前佢兩個好鍾意蒲，依家就真係蒲少咗好多。大時大節師傑都會陪Vangie過，好似前排母親節咁，師傑都有同女友屋企人慶祝。」知情者說。

鄧穎芝唔認拖手
生日派對翌日（20日），鄧穎芝到西貢出席歌迷燒烤敍會。記者上前問她與林師傑戀情，她死口唔認：「我哋冇拖手，係角度問題啫，我哋係好好朋友。」記者致電林師傑求證拍拖一事，他亦否認：「唔係拍拖。我哋做騷識，覺得佢份人幾好。呢排知佢想搞home studio，我有幫手俾意見。（影到你哋十指緊扣喎？）吓！唔係，咁啱啫，唔係好熟㗎咋！（母親節仲見過家長？）冇見過佢屋企人噃！」林師傑更透過經理人回應：「師傑話佢冇拍拖，我知Vangie同師傑兼幾個『巨聲』好friend，但一定唔係拍拖！」但當記者顯示兩人拖手相，師傑經理人都打個突：「呢個小朋友吖，等我用嚴刑迫供先！」

同屬富二代
鄧穎芝與林師傑在去年除夕在澳門活動認識， 兩人火速撻着，相信和兩人家境富裕，同是愛蒲有關。

鄧穎芝
年齡：27歲
出道：03年全球華人新秀歌唱大賽
緋聞情人：Eric＠EO2
　　　　　衣架大王劉璜兒子劉德俊
背景：有傳曾是「大富豪」股東的鄧爸爸，近年經營健康食物生意「活勝肽」，每次打本為女兒出唱片，最近更投資過百萬元在尖沙嘴寶勒巷搞日式火鍋燒肉店「板石」。
住宅：將軍澳茅湖仔村村屋

林師傑
年齡：23歲出道：09年第一屆《超級巨聲》緋聞情人：《超級巨聲》對手何雁詩背景：林師傑的父親林道權及母親韓珍均出身TVB藝員訓練班第十一期， 和周星馳、梁朝偉是同學。其後林父搞地產汽車零件生意，林母則任職投資銀行高層。現時林道權是藝進同學會副會長，在圈中甚吃得開。住宅：西貢牛背窩獨立屋 ####

 


好友開路和林師傑同是「巨聲幫」的劉威煌，亦是鄧穎芝生日派對的座上客，當晚劉威煌和女友左望右望，為地下情侶林師傑及鄧穎芝開路。


甜蜜挽袋鄧穎芝與林師傑玩到凌晨5時多才離開，步行攞車時，男方為女方拎袋，兩人更十指緊扣。


急返香閨見女友有七分醉意，林師傑於是駕駛女友的Benz跑車回鄧穎芝香閨過夜。


林師傑父親林道權和負責《超級巨聲》的綜藝科經理陳家揚稔熟，他和林媽媽韓珍在《超級巨聲》比賽中亦有持牌為兒子打氣。


記者在翌日遞上她與林師傑十指緊扣的相片時，她依然死撐：「我哋冇拖手，係角度問題啫！」


劉德俊


約900萬


何雁詩


約700萬

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄